Relación das listaxes provisionais do alumnado admitido e non admitido para o curso 2016/17.

 Ver arquivos adxuntos

Lexislación: ¨D. 254/2012 do 13/12/2012 (DOG do 26/12/12)

¨Orde do 12/03/2013 (DOG do 15/03/2013) pola que se desenvolve o procedemento para a admisión do alumnado en centros docentes sustentados con fondos públicos.

·         A solicitude de RESERVA DE PRAZA presentarase no centro de preferencia do 1 ao 29 de marzo (incluídos).

Para facer esta reserva é preciso cubrir un impreso (Anexo II, modelo oficial do DOG 15/03/2013) que se facilita no propio centro e que pode ser solicitado por teléfono ou obtido do DOG na páxina da Xunta, e o Anexo A que tamén será facilitado no colexio . As solicitudes deben estar completamente cubertas. Xunto con estes impresos entregarase:

     -Fotocopia do libro de familia onde apareza o neno ou nena, ou do D.N.I.

-Certificado de empadroamento no que consten todos os membros da unidade familiar que convivan no domicilio. A situación da unidade familiar é a correspondente ao día 29 de febreiro de 2016.

-Alumnado xa matriculado noutro centro no curso actual nun nivel de Primaria: Certificado de matrícula do centro actual (Deberán remitir ao centro de orixe copia da nova solicitude de admisión art. 9.3 e 13.2.d) 2º da O. do 12/03/2013)

-En caso de separación ou divorcio, documento acreditativo e sinatura conxunta na solicitude (art. 14.4 da O. do 12/03/2013)

-Se se opta pola baremación da proximidade do colexio ao lugar de traballo, facelo constar na solicitude, tendo en conta que afectará a todos os centros relacionados na propia solicitude  (art. 22.1 da O. Do 12/03/2013)

(Deben ser documentos orixinais ou copias cotexadas. Neste caso farémolo no propio centro)

Debe considerarse que o número de membros da unidade familiar é o referido ao día 29 de febreiro de 2016.

DOCUMENTACIÓN XUSTIFICATIVA DOS CRITERIOS DE BAREMACIÓN (Orixinais ou copias cotexadas)

·         Ter irmáns no centro: Fotocopia completa do libro ou libros de familia (art.20.4 da O. Do 12/03/2013). Tamén puntuará se está no centro adscrito, agás no último curso

·         Proximidade do colexio ao lugar de traballo (Ver art. 22.6 da O. do 12/03/2013)

·         Renda anual per cápita da unidade familiar (Ver art. 23 da O. do 12/03/2013) Determinarase a cantidade resultante da suma da base impoñible xeral (casiña 430) e da base impoñible de aforro (casiña 445) das declaracións de renda de todos os membros da unidade familiar, dividida entre o número de membros desta. O IPREM a aplicar é o correspondente ao ano 2014 (6.390,13 euros).

·         Condición de familia monoparental: fotocopia do libro de familia, certificado de convivencia, resolución xudicial de separación, divorcio ou medidas paterno-filiais ou convenio regulador (art. 25.2 da O. do 12/03/2013)

·         Criterio complementario do centro: (art. 28 da O. do 12/03/2013)

·         -Outros criterios ou casos (os relacionados na O. do 12/03/2013)

NO NOSO CENTRO PÓDESE ENTREGAR A DOCUMENTACIÓN:

DE 9:00 A 9:50 E DE 13:10 A 14:00 POLA MAÑÁ E DE 16:00 A 18:00 (SÓ OS MARTES NESTE ÚLTIMO HORARIO DE TARDE)

Hai que ter en conta:

1.- Cada alumna e alumno só pode presentar unha única solicitude no centro no que solicite praza en primeiro lugar e nela débense relacionar por orde de preferencia outros centros que se desexen para o caso de non obter praza nese primeiro, advertindo que a infracción determinará a perda dos dereitos de prioridade que poidan corresponderlle e dita duplicidade pasará a depender da Comisión de Escolarización ao final de todo o proceso.

2.- O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

3.-O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

·         De non ter o centro prazas suficientes para todas as solicitudes será preciso facer unha baremación. Neste caso presentarase a documentación xustificativa dos criterios de admisión alegados, dende o 1 ao 12 de abril.

·         Antes do 25 de abril estarán publicadas no taboleiro de anuncios e na páxina do centro as relacións de listaxes provisionais admitidas e denegadas. Contra ela pódese presentar reclamación no prazo de  cinco días hábiles, ante o Consello Escolar.

·         Antes do 15 de maio publicaranse as listaxes definitivas de admisión, tanto no taboleiro de anuncios do centro como na páxina web do mesmo.

·         A formalización da matrícula será do 20 ao 30 de xuño. Para realizar este trámite haberá que presentar o anexo III-1. Normalmente neses días celebramos unha reunión pola mañá coas familias de alumnado de 3 anos, para a que previamente remitiremos convocatoria por correo ordinario.

O alumnado que non proceda da área de influencia do centro NON TERÁ DEREITO AO TRANSPORTE ESCOLAR (O. do 12/03/2013, art. 6.1)

O noso colexio conta tamén co servizo de Comedor Escolar xestionado pola ANPA.

Faise constar que o CEIP Mestres Goldar está adscrito ao IES de Valadares

A ÁREA DE INFLUENCIA DO CENTRO, a nº 8, comprende dende o límite da Vía Hispanidade e Baixada do Castaño ata a rúa A Paz, Peniche, López Mora e Travesas, seguindo a Avda de Castrelos e Corredoira de Valadares ata o límite con esta parroquia, e incluíndo a parroquia de Castrelos máis a barriada ou lugar de As Carneiras-Matamá.

 MAPA Zonas Educativas

ACLARACIÓNS SOBRE ZONA EDUCATIVA 8

Rúa Portoloureiro: É da nosa zona dos nº 1 ao 37 e do 2 ao 50. O resto é de Beade.

Rúa Fontesanta: É da nosa zona do 42 ao 64. Do resto, unha parte é de Sárdoma (39 1º final e 66 ata o final) e a outra de Freixeiro.

Rúa Francisco de Sales (paisaxista): É da nosa zona do 2 ao 34 e os impares todos.

Rúa Francisco Rey Rivero (músico): É da nosa zona do 1 ao 33 e todos os pares.

Rúa Baixada á Laxe: É da nosa zona dos nº 1 ao 9, 29 a 35, 2 ao 48 (sempre se inclúen os citados). Os restantes son de Freixeiro.

Baixada á Pontenova: É da nosa zona do 85 ao final e do 90 ao final).

Rúa Finca dos Aires: Son nosos os números 2 e 4.

Tfnos de consulta: Concello: Estatística (padrón municipal) tfno 010; rueiro: 986 810 132.

AS ÁREAS LIMÍTROFES son a 7, a 9, a 12 e a 13.

Castrelos – Vigo, febreiro de 2016

DÍA DE ROSALIA

Aquelas familias que queiran visitar e coñecer o noso centro, para  matricular alumnado no curso 2016-17, poderán facelo no seguinte horario:

      MARTES: 23 de febreiro ás 16:15 horas.

      MARTES: 1 de marzo ás 17:00 horas.

      MARTES : 8 de marzo ás 16:15 horas.

De necesitar outro horario deben concertar cita chamando ao centro (986470839).

 VISITA O RECANTO DE MIK

Hoxe ao remate do festival de Entroido realizouse o sorteo das tablets. Os números agraciados foron:

0079

0130

0301

0813

0709

As tablets poder ser recollidas no ANPA, dende o 11 de febreiro ao 11 de marzo, do ano en curso.

Estimadas familias:

Como vén sendo habitual no noso colexio por estas datas, imos celebrar un  FESTIVAL DE ENTROIDO que  este ano leva por título ....

                ISTO  É

Realizarémolo o venres 5.

Comprácenos invitalos a que participen nesta festa con nós, polo que ás 12:05 abriranse as portas para poder acceder ao centro.

SE AS ORDES DO MECO QUERES COÑECER

NA IMAXE DEBES PREMER......!!!!    

Inicio do procedemento de admisión de alumnado en centros docentes sostidos con fondos públicos para o curso 2016/2017.
De acordo cos prazos establecidos na disposición adicional primeira da Orde de 12 de marzo de 2013, que regula o procedemento de admisión, o próximo 1 de febreiro inícianse os trámites do procedemento, coa reserva de praza nun centro de adscrición, neste caso o IES de Valadares. ( Dende o día 1 de febreiro ata o día 15 de febreiro)

Orde do 12 de marzo de 2013 pola que se desenvolve o procedemento para a admisión do alumnado (DOG)

Anexo I: Reserva de praza

Anexo II: Formularios de admisión e matrícula