O venres, día 11 de maio, ás 13:00 hs., sacaremos o noso maio ao patio para cantarlle as coplas. 

Invitámosvos a que veñades compartir esta actividade.

Por motivos de seguridade do alumnado, as familias que queirades asistir, teredes a entrada aberta de 12:50 a 13:00. Agradecemos que teñades en conta isto. O acto celebrarase no patio do colexio.

Como outros anos, pedimos a vosa participación para festexar ao maio.

. O martes 8, mércores 9 e o xoves 10 serán os días nos que xa podedes traer o fiúncho (moi importante porque é a base do maio) e o resto de  materiais que normalmente usamos: algunha flor, pampillos (margaridas silvestres), ovos (baleiros e limpos e o máis enteiros posible), bugallos ou cocas (boliñas dos carballos), algún limón, algunha laranxa.

. Empezaremos a montalo o mércores.

. Podedes facerlle na casa ao alumnado colares, pulseiras ou coroas de flores para o propio día do maio.

. O alumnado debe traer gorra, pantalón azul ou vaqueiro e camiseta branca.

. A poder ser traer tamén dous paus duns 2O cm. como máximo de longo para acompañar as coplas (isto só o alumnado de Primaria).

Moitas grazas pola vosa colaboración