O alumnado de segundo e a súa mestra hoxe están de celebración. Nada máis e nada menos que terceiros de toda a provincia de Pontevedra, polo que participaron moreas de centros, cativas e cativos.
Un concurso cheo de amor pola nosa Rosalía, Rosalía de Castro, repleto de arte, de música, de reivindicación do papel da muller na sociedade e sobre todo un concurso cheo de devoción pola nosa lingua: o galego. Ademais todo o acto foi signado para que a mensaxe da nosa Rosalía non teña fronteiras nin barreiras de ningunha índole.
NORABOA por este recoñecemento tan grande a todas as cativas e cativos de segundo que co seu esforzo, entrega, ilusión e creatividade lograron alcanzar o terceiro posto dun podio repleto de artistas.
A continuación podedes ver o acto da entrega de premios que se celebrou hoxe 23 de febreiro na Deputación de Pontevedra.
NORABOA OUTRA VEZ PEQUENOS GRANDES ARTISTAS!!!!
Recordade:
Eu son libre, nada pode conter a marcha dos meus pensamentos e eles son a lei que rexe o meu destino.
Rosalía de Castro.
A continuación queda o link a noticia da Deputación de Pontevedra.
Arranca o primeiro programa de CociñArte. Un espazo audiovisual onde poderás experimentar e crear na túa cociña gozando da lingua galega. Quédate con nós para ver esta deliciosa receita de TORRADAS DE AGUACATE da man de Uxía, de segundo curso.
Pero antes de comezar...
Sabedes onde se orixinaron as torradas?
As torradas teñen a súa orixe na época pehistórica e o seu modo de preparación non dista moito do proceso actual.
A primeira torradora inventouse en 1893 en ESCOCIA. O seu inventor foi Alan MacMasters.
Experimentamos todos os escenarios e modos de lectura posibles e intentámolo cos imposibles, somos así...
Xa limos de forma individual, en parellas, en tríos, en grupo, de forma cooperativa, cada un de forma individual co mesmo libro e tamén de forma colectiva con libros diferentes. Limos comezando o libro polo comezo, polo final ou de forma aleatoria. Limos no patio ao sol, na biblioteca, na clase, no corredor, limos a escuras, limos con lanternas. Que nos quedaba por facer..?
Ler un libro que empregase a luz para descubrir os seus segredos!! Limos este libro que nos deixou totalmente abraiados e abraiadas.
Un libro que nos contaxou tanta maxia que durante esta experiencia non deixaron de surdir preguntas que estamos intentando resolver...
Como se cargan as imaxes coa luz?
Como ten tanto poder a luz?
Como é posible que agora vexamos algo que sempre estivo ahi?
Hoxe pasámolo en grande xogando e experimentando cos parttern blocks. Tocamos e creamos con estes bloques xeométricos que nos descubriron un sin fin de posibilidades coas que deixamos voar moi alto a nosa gran creatividade.
O alumnado de segundo deseña e crea xoguetes que non se vinculan a ningún xénero.
Xoguetes que rompen cos estereotipos sexistas e que nos invitan a xogar e disfrutar. Xoguetes que nos convidan a soñar cun mundo mellor.
Ademáis nenas e nenos transformánse en auténticos publicistas vendendo e presentando "o mellor xoguete do mundo".
Unha actividade difenrete na que aprendimos moito, divertímonos e deixamos voar a nosa creatividade e imaxinación, deixando a nosa pegada nos nosos xoguetes que reflexan os nosos gustos persoais e a nosa esencia máis pura.
Neste segundo trimestre seguimos traballando co obxectivo de visibilizar e pór en valor as mulleres da nosa sociedade.
Por iso continuamos amenizando os intercambios de clase con cancións nas que se mostre o labor de diferentes artistas ou nas que a mensaxe que emitan permita progresar cara a igualdade.
A continuación poden observar a música escollida para o mes de xaneiro:
En nada comeza febreiro, se teñen algunha suxestión estaremos encantadas de recibilas.
Acabamos o ano 2021 con moitas baixas pero cada un e cada unha de vos segue presente na nosa aula cada día.
Esperamos vervos pronto. Os vosos vídeos dende a casa fixeronnos moi felices. Quedamos tranquilos de ver o ben que estades e todas as cousas que estades facendo.
Os referentes son fundamentais cando queremos acadar unha igualdade real. Por iso, da man do Proxecta+ (Donas de si) estivemos indagando e reflexionando sobre Alexia Putellas.
Que importante é a súa labor para todas e todos!
A continuación poden visualizar o resultado do traballo efectuado polo alumnado de 2º e 4º de Educación Primaria.
