O pasado mércores 13 de novembro, moitas das familias do noso alumnado participaron nunha charla sobre educación emocional da man de Silvia Martínez Álvarez, experta na materia, para axudarnos a comprender e xestionar as emocións dos máis pequenos. Abordáronse temas como a identificación das emocións básicas, estratexias para fomentar a empatía e técnicas para axudar aos nenos e nenas a expresar e regular os seus sentimentos. O obxectivo foi proporcionar ás familias ferramentas prácticas para promover o benestar emocional dos seus fillos, facilitando o seu desenvolvemento integral e unha convivencia harmoniosa tanto no fogar como no entorno escolar.

Prema na imaxe para descargar o dosier informativo

Con motivo do Día Internacional das Bibliotecas, celebráronse na biblioteca do noso cole unha serie de actividades  sobre o libro titulado "Vacacións en casa de tío Drácula" escrito por Manuel Blanco. Todo o alumnado decorou un marcapáxinas co ataúde de Drácula no que aparecía a inscripción "Mordo por ler".

Na commemoración de Samaín, fixemos un acto no que entregamos diplomas aos gañadores dos concursos de cabazas e de relatos.

Finalizouse o acto cun baile de alumnado de sexto.