O día 18 de decembro, venres, participaremos nunha proba de "Campo a través" organizada pola Secretaría Xeral para o Deporte ( Xunta de Galicia ) , en Cedeira.

Hora de saída: 9:45 desde o colexio

Hora de inicio das probas: 10:45

Lugar: Cedeira, xunto ao colexio.

Hora prevista de chegada: 14:00 , ao colexio.

Sorte aos participantes!!!!!

Recomendamos levar roupa de abrigo e unha camiseta para cambiarse despois da proba.

MÁIS SABOROSO... "PANELLETS"
REPOSTEIRA: Martina Díaz - EI 3 ANOS
INGREDIENTES: pataca cocida, améndoa moída, azucre, raiadura de lima e améndoas, noces ou calquera froito seco.

MELLOR PRESENTACIÓN...  "FOLLA DE AMÉNDOA"
REPOSTEIROS: Camila e Bruno Herrera - 6ºB e EI 4A
INGREDIENTES: améndoas picadas,4 ovos,azucre,fermento,fariña e doce de leite e chocolate.

MÁIS ORIXINAL... "CROCODILO DE CHOCOLATE E NOCES"
REPOSTEIRA: Claudia Sanjurjo Fontela - 4ºB
INGREDIENTES: masa de hoxaldre, chocolate, noces, ovo e azucre.

MÁIS DIFICULTADE NA SÚA ELABORACIÓN... "BROWNIES"
REPOSTEIRO: Ignacio González - EI 5A
INGREDIENTES: 75 gr. de manteiga, 45 gr. de chocolate, 150 gr. de azucre moreno, 75 gr. de fariña, 2 ovos, 1 cullerada de esencia de vainilla, unha cullerada de fermento en po e 75 gr. de noces picadas.

Grazas a todos/as os reposteiros/as por compartir as vosas receitas con nós.

Preme nas imaxes para ver máis fotos dos postres e das actividades celebradas o día do Magosto.  

AVISO

A causa do absentismo escolar por enfermidade, o CONCURSO DE POSTRES que estaba programado para o vindeiro martes, 10 de novembro, aprázase para a seguinte semana. Por tanto os postres poderanse traer ao centro os días: LUNS, 16 e MARTES 17 de novembro.

Todas as actividades programadas para celebrar o MAGOSTO quedan aprazadas para o MARTES, DÍA 17 DE NOVEMBRO.

Ante a situación creada polo crecente absentismo escolar a causa de enfermidade e as numerosas chamadas telefónicas recibidas no colexio, comunícase aos pais/nais/titores legais dos alumnos/as que a dirección do centro, seguindo o protocolo pertinente, está en comunicación via web e en tempo real co Servicio Galego de Saúde que está en coordinación coa Consellería de Educación. En ningún caso entra dentro do protocolo de actuación do centro a posibilidade de peche do mesmo.

Comunícase a nais e pais que o Consello Escolar adoptou no seu día o acordo de elixir como días non lectivos para o presente curso as datas do 2 de novembro de 2009 e o 18 de maio de 2010. Polo tanto , o alumnado reincorporarase ao centro o martes día 3 de novembro.

O equipo de Dinamización de Técnicas de Información e Comunicación do Centro (T.I.C.)  habilitou unha páxina web onde se recollen os nosos enlaces educativos favoritos para poñelos a disposición de alumnos e profesores.

Se queredes colaborar tedes dúas opcións:

1. Podemos autorizarvos para que vós mesmos entredes na páxina usando a vosa dirección de correo e introduzades os vosos enlaces. Neste caso poñédevos en contacto co coordinador TIC para que vos explique como se fai (é moi fácil).
2. Podedes madarlle ao coordinador un documento de Word ou Open Office onede poñades os enlaces especificando a dirección da páxina, o nome co queredes que apareza a páxina, o nivel (ciclo) e a área ou asignatura. En caso de que a páxina teña contidos de todos os niveis, indicar PRIMARIA e en caso de que teña contidos de varias áreas, indicar INTERDISCIPLINAR.

Podedes acceder á páxina en cuestión neste enlace:

RECURSOS 

No sucesivo, atoparás esta páxina para enlazar dentro do menú

TIC - Recursos educativos