CEIP A Magdalena

ADMISIÓN PROVISIONAL USUARIOS COMEDOR ESCOLAR 2021/2022

Enviado por Anónimo o Ven, 03/09/2021 - 18:21

ADMISIÓN PROVISIONAL USUARIOS COMEDOR ESCOLAR 2021/2022

Dende o día 1 de Setembro pódese consultar a listaxe provisional de alumnado que foi admitido no comedor escolar para o curso 2021/2022. Está exposta na cristaleira do edificio administrativo.

Ábrese prazo de alegacións até o día 7 de Setembro. Ao día seguinte publicarase a listaxe definitiva de admitidos.

Clicando aquí, pódese consultar a normativa que regula o funcionamento dos comedores escolares de xestión directa para o presente curso.

E premendo aquí, pódese consultar un extracto da anterior, no que se enumeran os criterios empregados para a selección do alumnado admitido no comedor. Debido a que houbo máis solicitudes de admisión ca prazas no mesmo, fíxose unha baremación atendendo a estes criterios, baseándonos únicamente na documentación presentada polas familias.

As familias do alumnado que non foi admitido neste momento, pode presentar as alegacións que considere oportunas, e incluso aportar nova documentación de ser o caso que variara a súa situación de incompatibilidade horaria. Tendo en conta estas alegacións, refarase a listaxe de usuarios admitidos e publicarase xa como definitiva o día 8 de Setembro.

O alumnado que finalmente non sexa admitido na listaxe publicada o 8 de Setembro quedará rexistrado nunha listaxe de reserva, igualmente ordeada atendendo ao cumprimento destes criterios, e poderá acceder ao comedor nesa orde, segundo vaian xurdindo vacantes, se é o caso.

Por outra banda, rogamos ás familias cuxos pequenos resultaran admitidos nesta primeira listaxe provisional e que, por calquera circunstancia decidan de maneira voluntaria renunciar á praza de comedor que se lles asignou, se poñan en contacto coa dirección do centro á maior brevidade. Destas renuncias tamén dependerá a reelaboración da listaxe definitiva de admitidos.

A dirección do centro queda á vosa disposición para a aclaración sobre calquera dúbida ao respecto.

BENVIDOS AO CURSO 2021-2022

Enviado por Anónimo o Xov, 02/09/2021 - 18:39

CURSO 2021-2022

COMEDOR ESCOLAR:Está pubicada no taboeiro do centro, no Edificio de Administración, a listaxe de usuarios admitidos no comedor escolar para o curso 2021-2022.

REUNIÓN FAMILIAS 3 ANOS: Venres día 3 de Setembro ás 16:30 horas no comedor.

Nos próximos días recibiredes información sobre as entradas e saídas e horarios do centro así como a entrega de libros de préstamo para o alumnado que lle corresponden de 3º e 4º de Educación Primaria.

EU ALMORZO NO COLE

Enviado por Anónimo o Xov, 01/07/2021 - 07:30

ANPA

INSCRICIÓN NO PROGRAMA "EU ALMORZO NO COLE". Fai clic aquí para descargar o formulario de inscrición.

1 adxunto

COMEDOR ESCOLAR 2021-22

Enviado por Anónimo o Mér, 30/06/2021 - 20:46

Solicitude de praza no COMEDOR ESCOLAR para o Vindeiro Curso 2021-2022

Deberá presentar no centro a seguinte documentación:

1. ANEXO 0 + solicitude. Solicitude de praza de comedor.

2. Alumnado matriculado no CEIP A Magdalena e usuario de comedor neste curso e que queira seguir sendo usuario do comedor escolar. - Novo alumnado matriculado no CEIP A Magdalena para o curso 2021-2022 e que queira facer uso do comedor escolar. Deberedes cubrir a AUTODECLARACIÓN (fai click aquí para descargala) e presentala cuberta e asinada na Secretaría do centro en horario de 10:00h a 13:30h de luns a venres, pedindo cita previa.

Prazo: do 1 ao 16 de xullo do 2021 (Recordade que o 19 é festivo en As Pontes).

Aquí podedes ver todas as instrucións.

Solicitude de colaboradores voluntarios nas tarefas de atención e apoio ao alumnado usuario do comedor escolar

Infórmase tamén de que se abre o prazo de admisión de membros da comunidade educativa do centro como colaboradores voluntarios nas tarefas de atención e apoio ao alumnado usuario do comedor escolar durante o curso 2021-2022, podes descargar aquí a túa solicitude e presentala no centro.

TRANSPORTE ESCOLAR

Tamén se pode neste período solicitar nova parada de transporte escolar ou paradas excepcionais.