OBRADOIRO DE PINTURAS RUPESTRES

No noso proxecto da prehistoria, as nenas e nenos da aula de 4 e 5 anos, estamos a estudar as pinturas rupestres polo que fixemos un obradoiro para pintar na nosa cova prehistórica, as mesmas pinturas rupestres que facían os homes e mulleres daquela época. Tomamos como referencia a cova de Altamira e intentamos imitar as pinturas rupestres que ten no seu interior.

O obradoiro comezou co pintado das mans, primeiro en positivo, é dicir, mollándoas en pintura e estampándoas nas paredes da cova; e seguidamente en negativo, é dicir, poñendo as mans sobre as paredes e marcando o seu contorno, ben soprando a través dunha cana chea de pintura ou ben mollando a outra man en pintura e sinalando o contorno.

Aquí podedes ver estas dúas actividades deste obradoiro: