CEIP Gregorio Sanz |

Día da Paz e Non Violencia !

Celebramos o Dia da Paz e Non violencia o día 29 de xaneiro no ximnasio do centro coa participación de todo o alumnado e profesorado.

Dous representantes do alumnado do terceiro ciclo fixeron unha pequena introdución explicando o significado desta conmemoración. Posteriormente, dous representantes de cada curso de primaria foron introducindo nun recipiente distintas letras e, o alumnado de infantil, fixo o propio con distintos símbolos de Paz.

Uns magos, despois de facer un conxuro, crearon a mensaxe PAZ NO MUNDO. Como música de fondo soaba a canción "Imagine" de John Lennon e rematamos cantando todos xuntos a canción "Que viva a Paz e o Amor"

Lectura da paisaxe!

O xoves, 28 de xaneiro,de 10 a 11:30 e na Biblioteca do Centro, houbo unha charla baixo o título "Lectura da paisaxe" dirixida aos alumnos/as do terceiro ciclo (5º e 6º de Educación primaria).

Esta charla promovida pola Axenda 21 Escolar á que está acollido o noso colexio co Proxecto "Coñecer a Costa de Ribadeo" e moi ben dirixida polo profesor D. Francisco Castillo, serviunos -tanto a alumnos coma profesores- para interpretar mellor a paisaxe que veremos cando fagamos o percorrido das rotas pola costa de Ribadeo.

Certame de poesía infantil Nadal 2009

No certame de poesía infantil Nadal 2009, convocado pola biblioteca municipal "El Viejo Pancho" de Ribadeo, resultaron premiados varios alumnos e alumnas do centro.

Na categoría A (ata 8 anos):

Inés Canto González ( 8 anos ) " NON DABA CHEGADO!".

Na categoría B (de 9 a 11 anos):

Uxía Fernández Díaz ( 9 anos ) " Bo Nadal !"

Miguel Casariego Cao (9 anos) " Onte soñei!"

Sofía Fernández Bermejo (9 anos) " O Nadal en Ribadeo!"

Os nosos parabéns para tódolos premiados e moita sorte no certame provincial.

Proxecto de Xornada Única

Para o curso 2010-2011 presentamos un Proxecto de xornada continua, que consistiría en desenvolver a actividade escolar , sen interrupcións e de forma continuada, en horario de mañá.

VER UN RESUMO DO PROXECTO

DESCARGA DO PROXECTO DE XORNADA ÚNICA CURSO 2010-2011.

DESCARGA DA PRESENTACIÓN DO PROXECTO.

Pasado o Nadal...volta ao cole!

O luns, 11 de xaneiro do novo ano 2010, continuamos coas clases en horario habitual:

Pola mañá de 10:00 a 13:00 horas.

Comedor de 13:00 a 15:00 horas.

Pola tarde de 15:00 a 17:00 horas.

Titoría de pais/nais os luns de 17:00 a 18:00 horas.

Desexamos a toda a Comunidade Educativa un FELIZ ANO 2010.

E agora...unhas merecidas vacacións!

Despois dun importante traballo ao longo do 1º cuatrimestre, o alumnado, profesorado e o persoal non docente do CEIP Gregorio Sanz, van a disfrutar duns días de descanso para reanudar as clases en horario habitual o luns, 11 de xaneiro de 2010.

Queremos agradecer e dar as grazas desde aquí a tódalas persoas, entidades e/ou organismos que contribúen ao desenvolvemento da actividade educativa do Centro.

Xa chegou o Nadal!

Os días 21 e 22 de decembro, en horario de mañá terá lugar o FESTIVAL DO NADAL.

GALERÍA FOTOGRÁFICA

O luns, 21 de decembro, a partir das 10:30 horas o Festival de Nadal do alumnado de Infantil e Primeiro Ciclo de Primaria.

O Martes, 22 de decembro, a partir das 11:00 horas, o Festival de Nadal do alumnado de 2 º e 3 º Ciclos de Primaria.

Ver Programa

Suspensión das clases en Galicia

SANTIAGO DE COMPOSTELA, 15 decembro 2009

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, 16 de decembro.

Esta medida tómase en base á predición, feita pola Axencia Estatal de Meteoroloxía (AEMET), dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia en cotas baixas a partir das 00.00 horas oficial do mércores 16 de decembro.

Consellería de Educación e Ordenación Universitaria

Un futuro por compartir en igualdade

Actividade organizada pola Concellaría da Muller de Ribadeo, o Centro de información ás Mulleres e a Oficina Municipal de Información Xuvenil. Esta campaña de sensibilización en igualdade, que se desenvolve por quinto ano consecutivo, pretende intervir con accións que promovan valores igualitarios e coeducativos desde idades temperás.

Hoxe, inauguramos a Campaña coa intervención dun contacontos para Educación Infantil de 5 anos: "CANTO CONTA A IGUALDADE", impartido por Manolo Panforreteiro.