Os nenos e nenas de 2º de E. Primaria estivemos durante varios días a traballar sobre a Paz. Nas aulas, con explicacións sobre o porqué se celebra o día 30 de xaneiro:
Breve biografía de Gandhi.
Abecedario da Paz: palabras ordenadas alfabéticamente que teñen relación co tema. Cada neno/a elixe unha para escribila dentro do debuxo dunha pomba e facer un mural con todas.
Noutras sesións cada alumno/a inventa unha historia sobre a palabra elexida.
Copiar no caderno un poema relacionado con tema e facer un debuxo alusivo.
Nos corredores gardamos un minuto de silencio as dúas clases xuntas. Posteriormente collémonos das mans e démonos un abrazo simbólico, xirando un neno/a dun extremo sobre sí mesmo e o resto xirando en sentido contrario para quedar todos xuntos formando parte do gran abrazo da Paz.
A Biblioteca Pública Municipal " El Viejo Pancho" de Ribadeo convocou o Certame de poesía infantil "Nadal 2011" (fase local). Podían participar tódolos nenos e nenas, con poemas sobre o tema xenérico de "O Nadal".
Pablo Quirós González e Lucía López Pérez, alumnos do segundo curso de Educación Primaria do CEIP Gregorio Sanz, resultaron premiados na categoría A, ata 8 anos. O premio consistiu en cadanseu diploma e libros.
Pablo Quirós presentara un traballo titulado " Os animais van ao portal de Belén" e Lucía López " Os meus peluches e o Nadal". Os traballos premiados participarán na fase provincial do Certame, convocado pola Biblioteca Pública Provincial de Lugo, co patrocinio da Consellería de Educación Cultura e Deportes da Xunta de Galicia.
Parabéns para tódolos/as participantes e premiados!
O pasado luns, 20 de xuño, os alumnos/as de 4º curso fomos de excursión ata o nacemento do río Eo.
O río Eo, nace en Fonteo, Baleira, na provincia de Lugo e desemboca no Mar Cantábrico, formando a ría de Ribadeo, entre Ribadeo(Galicia) e Castropol (Asturias). Atravesa as poboacións de A Pontenova, Ribeira de Piquín en Lugo e Abres e Vegadeo en Asturias.
Ese día saímos do colexio sobre as 10 en autobús e cando chegamos a Fonteo xa todos estábamos cansos porque a viaxe durara aproximadamente hora e media.
Antes de ver a fonte, sentámonos arredor dunhas mesas de pedra que había alí para completar uns cadernos de traballo que nos deran as nosas profesoras sobre o río Eo. Cando por fin fomos ver a fonte a auga parecía cristalina porque se vía o fondo do río.
Volvemos coller o autobús e fomos visitar a Pontenova, pasamos por tres pontes cruzando o río Eo. Despois fomos ata Trabada, onde xantamos nunha área recreativa.
A continuación visitamos unha pequena praia no río e xa por último fomos a ver a depuradora da auga que bebemos en Ribadeo, que está en Santa Cruz.
FALEMOS
WEBEX
