Unha viaxe para repetir
¡Por fin chegou o día para a viaxe de fin de curso!
O día 26 de abril ás oito da mañá os alumn@s de sexto subimos a equipaxe ó autobus e saímos cara Madrid. Acompañábannos Fran, o titor de sexto b; Lourdes, a directora; Chus, a profesora de relixión e Chemi. Despois dunha longa pero entretida viaxe chegamos ao monasterio de San Lorenzo Del Escorial. Impresionoume o tamaño e algunhas das súas salas.
Despois dirixímonos ao hotel, instalámonos nas habitacións ceamos e fumos dormir. O segundo día visitamos Toledo, unha cidade preciosa e con moitos monumentos. Pola tarde entramos no Museo de Cera, onde vimos moitos persoaxes famosos: de contos, deportistas, de cine, cantantes... estaban tan ben feitos que parecían de verdade. No museo montamos nunha atracción que se chamaba “Tren Del Terror” no que había figuras de cera que asustaban algo. Pero aínda así resultaba divertido. O terceiro día, visitamos o aerporto de Barajas foi moi interesante xa que un guía nos iba explicando todo. O que máis me impresionou foi a súa arquitectura. A tarde fixemos unha visita ao Museo do Prado, onde contemplamos cadros moi famosos e moi bonitos, entre outros chamáronme a atención: “ Las Meninas”, de Velázquez; “Las Tres Gracias” de Rubens; “ la anunciación” de Fra Angélico; “ Descendimiento de la cruz” de Van Der Weiden...
máis tarde, subimos nun teleférico a 40 metros de altura, dende o que vimos, entre otras cousas, a Casa de Campo. O venres fixemos a visita máis interesante: A Warner Bros. Estivemos alí dende as once h. ata as 19 h. disfrutamos moitísimo nas atraccións as que subimos, a min gustáronme moito: a montaña rusa de Superman; a de Batman la fuga, o Río Bravo e o Hotel Embrujado.
O último día volvimos atrás no tempo, visitamos Segovia, unha cidade antiga na que poidemos ver un acuaeducto romano, o alcazar e moitos monumentos máis. Despóis de comer iniciamos a viaxe de volta a Ribadeo, e chegamos ás dez da noite. Toda a viaxe foi unha experiencia inolvidable, xa que houbo bon entendemento entre todos, e aprendemos moitas cousas ademáis divertímonos moito.
VER GALERÍA FOTOGRÁFICA
Amalia Rodríguez, alumna de 6ºb.
