O Día Forestal Mundial ou Día da Árbore celébrase cada 21 de marzo coa intención de impulsar a protección e coidado dos nosos bosques. Nesta data é tradicional realizar plantacións.

No colexio realizáronse distintas actividades no patio: Plantacións de especies de temporada, identificación e nomenclatura das árbores existentes e colocación de niños de paxaro.

Participou nestas actividades o Concelleiro de Medio Ambiente do Excmo. Concello de Ribadeo, facendo fincapé nas vantaxes que nos proporciona o coidado e protección das árbores para conseguir un desenvolvemento sostible, a forma de desenvolvemento que satisface as necesidades do presente sen comprometer as do futuro.

VER GALERÍA FOTOGRÁFICA

"Á hora de decidir que libros imos a meter na mochila é importante saber de antemán que asignaturas tocan ese día, para o que nos axudará o horario, que debemos ter á man para así consultalo fácilmente.

Evitaremos levar libretas, carpetas ou calquer utensilio innecesario, xa que o único que nos aportará será peso e polo tanto sobrecarga e ó fin da xornada teremos dor de espalda por cargar con cousas innecesarias".

Un acordo internacional recomenda que o peso da mochila non sobrepase do 10% ou 15% do peso corporal.

Esta e outras recomendacións aparecen nunha GUÍA PARA PREVIR A DOR DE ESPALDA E AS SÚAS DEFORMACIÓNS, realizada por Paloma Rodríguez Oviedo, enfermera do Hospital da Costa de Burela, que desenvolve un proxecto de investigación con alumnos de 6º curso de Primaria e ESO co obxectivo de previr a aparición de dor e problemas de espalda a idades máis tardías.

A Consellería de Educación convoca axudas para participar no programa de integración Aulas da Natureza 2010, para o alumnado entre once e trece anos, no centro de programas educativos de Viérnoles, Torrelavega(Cantabria).

As aulas da Natureza cumpren unha función importante ao facilitarlles aos alumnos a posibilidade de realizar múltiples actividades de tipo formativo, cultural e deportivo.

VER ORDE DA CONVOCATORIA.

Admisión de alumnado para o curso 2010-2011 para os que acceden por primeira vez a un centro (infantil de 3 anos), por cambios de centro ou domicilio, etc.

A LEXISLACIÓN APLICABLE:

Decreto 30/2007, do 15 de marzo (DOG:16/03/2007)

Orde do 17 de marzo de 2007 (DOG: 19/03/2007). Corrección de erros (DOG: 04/04/2007).

Instruccións concretas que poida ditar a Consellería de Educación e O. Universitaria para o proceso de admisión, curso 2010-2011.

CALENDARIO DE ACTUACIÓNS SEGUN ORDE DO 17/02/2007.

1 de Marzo: Publicación no taboleiro e na web do centro das vacantes dispoñibles.

1 ao 31 de Marzo:

Presentación de solicitudes de admisión segundo Anexo II, acompañadas do DNI ou Libro de familia. Entrega en secretaría do centro.

Todas as solicitudes deberán contar coa data e selo de rexistro de entrada, devolvendo copias aos interesados/as.

Antes do 30 de Abril:

Reunión do Consello Escolar e publicación provisional de admitidos e non admitidos por curso (artigo 35º-1)

Prazo de presentación de reclamacións:cinco días hábiles.(artigo 35º-2)

Resolución de reclamacións cinco días hábiles (artigo 35º-3)

Publicación das listaxes definitivas. (artigo 36º)

FORMALIZACIÓN DE MATRÍCULA:

PRAZO: 20 A 30 DE XUÑO. Na secretaría do centro.

Os impresos necesarios para solicitude de admisión e matrícula pódense descargar desde o apartado secretaría/ impresos nesta web.

Para máis información:

Teléfono e fax: 982 12 88 48

O venres, 12 de febreiro, conmemoramos no centro a FESTA DO ENTROIDO. O centro de interese é "A Idade Media". Gozaremos dun espectáculo acorde coa época do medievo. Unha divertida historia na que un ciruxán-barbeiro  nos mostrará e intentará vender o elixir máxico co que se poderán facer piruetas, malabares e maxia.

Contaremos con variados disfraces:

En infantil campesinos, xoglares, princesas, cabaleiros,..

No primeiro ciclo de primaria: bruxos/as, magos/as e peregríns

No segundo e terceiro ciclo: malabaristas, damas medievais, curas, monxes, trovadores, dragóns, ...

VER PROGRAMA

VER GALERÍA FOTOGRÁFICA DO ENTROIDO

Durante toda a xornada do venres, 12 de febreiro, en horario de 10:00 a 20:00 horas, terá lugar a consulta aos  pais/nais ou titores legais sobre o Proxecto de Xornada única en sesión de mañá a desenvolver no  curso 2010-2011. Rogamos que acudan a votar para manifestar a súa opinión sobre este proxecto.