Novas

O venres 12 de xaneiro saímos de excursión a Cervo. Visitamos o Parque de Bombeiros e a fábrica de Sargadelos.

O venres 10 de novembro celebramos o Magosto no noso centro. Podes ver as imaxes premendo na foto.

Xa vos contamos o outro día que hai unha semana contamos e representamos o conto de carapuchiña vermella co alumnado de primeiro e segundo, pois ben, esta semana uniuse á actividade o terceiro curso eseguimos traballando sobre este mesmo conto. Despois de contar algunha versión máis do conto, recibimos por sorpresa unha carta... do lobo! Nela o lobo contaba a súa verdadeira versión do conto, totalmente diferente á versión que adoitamos escoitar por aí. Levamos unha boa sorpresa!

O alumnado e as familias do centro fixeron auténticas marabillas coas cabazas que lles pedimos para adornar a entrada do colexio pola festa do Samaín. No seguinte vídeo podedes velas. Hainas clásicas, orixinais, de medo, reivindicativas... de todo un pouco.

Grazas ás familias do colexio por participar dun xeito tan masivo.

Este ano decidimos crear o Coro do CEIP Fondo Nois. O director é Iván, o noso mestre de música, e o pequeno grupo que empezamos co coro estamos ensaiando moi duro despois do comedor todos os luns e xoves.

Escollemos un repertorio bastante divertido e estamos agardando a telo moi ensaiado para amosarvos os nosos avances. Moito nos tarda...

Deixámosvos cunha ligazón a un vídeo dunha das cancións que estamos a preparar...