O pasado mércores 7 de decembro fomos ver un concerto didáctico ao Auditorio de Padrón, cos grupos de Educación Infantil, terceiro e quinto de Primaria.
O músico Xavier Lozano, que ten unha ampla traxectoria como intérprete en diversas agrupacións de folk e world music ofreceunos unha mostra de instrumentos creados con materiais de refugallo do máis diverso, presentados con moito humor e que soaban moi ben...
A Dirección Xeral de Ordenación e Innovación Educativa estableceu o calendario para as eleccións de membros do consello escolar de centros docentes sostidos con fondos públicos (Resolución do 19 de setembro, DOG 30/09/2022).
Irase informando das distintas actuacións nas vindeiras semanas.
3. ACTUALIZACIÓN 24/11/ 2022 Adxúntase a proclamación das candidaturas das familias para o consello escolar ( non houbo)
Como cada ano, ASEAF, convídanos a participar nesta iniciativa a toda a comunidade Educativa. Para conmemorar o día dos dereitos da Infancia e Adolescencia, propoñen que vaiamos en pixama ao cole!!
Xa están publicados os debuxos do noso alumnado participante no Certame de debuxo pola eliminación da violencia de xénero! Podedes velos expostos nos diferentes locais da hostelería de Padrón. Grazas a todo o alumnado que participou no certame.
Este xoves 10 de novembro recibiremos a visita do contacontos Anxo Moure que nos vai narrar o seu libro "O Carballo con botas". Podedes ver no arquivo adxunto unha presentación moi chula deste conto feita polo profesor Suso. Grazas!
Estimadas familias: Os vindeiro luns 7 de novembro ás 16:30 terá lugar no colexio unha charla informativa sobre o uso saudable das TRICS dirixida aos responsables do alumnado.
Que ben o pasamos neste Magosto e Samaín no Flavia! Houbo de todo, un castelo encantado, corredores terroríficamente decorados, sustos variados e ricas castañas... e por suposto, a incrible exposición de cabazas grazas as familias do noso alumnado. Grazas pola vosa colaboración!
Xa temos gañadores do certame de debuxo convocado polo CIM Terras de Iria! O tema foi a eliminación da violencia contra as mulleres e os debuxos eran todos moi chulos, así que foi difícil decidir....