CEIP de Arzúa

Xa chegou o ENTROIDO!!!!!... e cada vez estamos máis preto da nosa viaxe á neve....

Traballamos con ilusión e entusiasmo para abaratar o custo desta actividade deportiva, por iso decidimos sortear unha cesta con productos do entroido.

Dende aquí, os alumnos e alumnas de quinto e sexto de Primaria do Ceip de Arzúa, queremos agradecer a todas aquelas persoas, que dun xeito ou outro, apoiaron a nosa iniciativa e participaron nela.

Lembrade que mañá VENRES 17 DE FEBREIRO, sortearemos a CESTA DO ENTROIDO.

 Moitas GRACIASSSSS a todos/as por participar e.... MOITA SORTE!!!!

Hoxe, 15 de febreiro o CEIP de Arzúa e o IES de Arzúa, representados polas coordinadoras de Dinamización Lingüística e unha alumna de cada centro, xunto coa Concelleira de Cultura do Concello de Arzúa, participaron nun programa de Radio Arzúa para dar a coñecer o proxecto de Rosalía no que colaboran este curso e que financia o Concello de Arzúa. 

O nome do proxecto deste ano chámase "Hoxe no menú...Rosalía". Trátase esta vez de divulgar a obra desta gran poeta a través duns folletos, que simulando a carta dun menú, presentan un retrato da escritora na portada e logo levan tres poemas ilustrados nas páxinas que a acompañan. A portada e contraportada realizounas o alumnado do IES de Arzúa e as dúas páxinas interiores os nenos e nenas do noso centro. Vanse repartir sete folletos diferentes entre o sector hostaleiro e ademais faranse chegar ao centro de saúde, biblioteca da vila, centro da terceira idade, puntos de lectura espallados polo pobo... No IES de Arzúa e no CEIP de Arzúa quedarán un modelo de cada folleto para que o poida ollar todo o alumnado que se achegue á biblioteca. 

Déixamosvos aquí o audio da entrevista que se nos fixo esta mañá en Radio Arzúa. Grazas por axudarnos a difundir o noso proxecto!! 

  PREME AQUÍ

Bo día!

Déixovos aquí o vídeo dos alumnos e alumnas de 1º A e B bailando as cancións do tema 3 do libro, para que poidan practicar na casa cando queran. As cancións atópanse nas páxinas 17 e 18. 

Xa as saben moi ben! E tamén axudaron a crear a coreografía :)

Durante toda a semana seguimos os MANDADOS DO MECO.

O venres, 17 de febreiro poidemos lucir os nosos mellores traxes acompañados dun día solleiro e con moita música!

Ademais, degustamos doces típicos destas datas acompañados dun chocolate ben rico!

“Non hai camiño para a Paz: a Paz é o camiño”.

O 30 de xaneiro conmemórase o Día Escolar da Non Violencia e a Paz, adicado a conmemorar nos centros educactivos unha cultura de non violencia e paz.

Esta data, que se celebra desde 1964, é unha homenaxe a Mahatma Gandhi, líder pacifista que defendeu e promoveu a non violencia e a resistencia pacífica.

Os rapaces e rapazas do CEIP de Arzúa, despois de traballar e aprender máis sobre esta conmemoración, significado e orixe, elaboramos este mural colectivo que leva por título “Espallando mensaxes de paz”.  

Neste mural, no que aparece a pomba como símbolo da Paz, cada titoría decorou e rotulou unha pomba que portaba mensaxes de paz: sorrisos, solidariedade, bicos, tolerancia, empatía, abrazos…

Ademais, hai unha pequena exposición con fotografías e poemas que nos convidan á reflexión sobre a realidade das guerras.

Estes son algúns dos traballos realizados a nivel aula:

Isto xa vai tomando forma! Aos poucos estamos a ordenar os andeis para que vos sexa máis cómodo atopar eses libros dormentes que agardan a vosa lectura, e ademais a nosa biblio ten novos recunchos para explorar...

- Uns expositores onde se mostran as novidades deste curso, os libros relacionados coas conmemoracións, e as recomendacións da biblioteca (que irán cambiando semana a semana).

- Un carro colocado na entrada da biblioteca con libros relacionados coa temática anual do centro: a auga

 

- Un recuncho para traballar as nosas destrezas creativas e a nosa capacidade espacial coa mesa de luz e os xogos de figuras como o Kapla.

 

 

 

E se tes algunha dúbida ou algunha suxerencia... fala connosco na biblioteca! 

--> Acceso ao blog:

https://olugarondedormenoscontos.blogspot.com/

Benvidos á nosa biblioteca escolar, un fogar para todes os que queren espertar aos libros que dormen nos estantes e descubrir que marabillosa historia se atopa descansando no seu interior.

Con este blogue querémosvos axudar a coñecer os recunchos da nosa biblioteca e descubrir lecturas e actividades divertidas para alimentar a nosa imaxinación. Subiranse noticias e propostas para que desfrutedes ao máxino deste espazo, así que, non esquezades revisar as publicacións!

Unha aperta, e nunca deixedes de ler :)

--> Acceso ao blog:

https://olugarondedormenoscontos.blogspot.com/

O 23 de xaneiro, o alumnado de 3ºA e 3ºB asistiu a unha sesión formativa sobre contaminación atmosférica impartida por persoal de Meteogalicia, en Santiago de Compostela. Alí explicáronnos cales son os gases e partículas que contaminan o aire, a súa orixe e como podemos facer nós para mellorar a calidade do aire que respiramos.

Ao rematar esta charla explicativa, desprazámonos andando ata a "Estación de calidade do aire" que está preto do edificio de Meteogalicia. Alí a nosa guía explicounos como se realizan as medicións de gases e partículas que contén o aire e o funcionamento dos aparatos que hai en dita estación. Os resultados clasifícanse por cores, correspondendo o azul, ao aire máis limpo; o amarelo, ao aire que ten algúns gases contaminantes; e o morado, ao aire moi contaminado. 

Agora xa sabemos consultar en Internet como é o aire no noso municipio ou nalgún lugar próximo.

O pasado luns, 16 de xaneiro o alumnado de 1º e 2º de Educación Primaria asistiu ao Teatro do Colexio La Salle (Santiago de Compostela) para ver a obra de teatro Peter Pan, representada pola compañía TRANSEDUCA.

Ao día seguinte, o martes, 17 de xaneiro o alumnado de 3º, 4º, 5º e 6º de Educación Primaria achegouse ao mesmo teatro para ver a representación da obra titulada The Treausure Island. Esta era a primeira vez que vían unha representación teatral nunha lingua estranxeira, en inglés.

Foron unhas xornadas moi divertidas!