Nestes días, todo o cole, tivemos oportunidade de visitar unha exposición sita na Capela da Madalena, sobre as "Xornadas do pan". Ali, poidemos coñecer o proceso de fabricación do pan, dende a súa sega ata que o sacan do forno....parace que arrecende!!
Aos nenos e ás nenas de 4 anos pilláronnos cas mans na masa.....Preme aquí para descubrilo.
O pasado día 8 de outubro tivemos ocasión de movelo esqueleto ao ritmo do grupo Mamá Cabra. Se queres ver algunha foto do momento preme na imaxe.
Aquí vos presentamos ao CLUBE DA CASTAÑA.
Estas entusiastas da natureza, agasállannos cada outono, dende hai tres anos, co seu bo facer. Cando os ourizos dos castiñeiros chegan ao chan do cole comeza o seu traballo...adícanse a recollelos, limpalos, danlle os mellores dos coidados e expóñenos no patio para que os demais compañeiros e compañeiras os poidan ver, ulir, tocar...
Rapazas, animámosvos a que sigades realizando con tanta paixón esta orixinal idea, que axuda a manter viva a tradicional labor da recolleita das castañas....esperamos que as teñades ben preparadiñas para a vindeira festa do magosto do cole!!!!
LISTAS DOS LIBROS DE TEXTO: PARA O VINDEIRO CURSO 2011-2012
1.- LIBROS DE TEXTO E MATERIAL DIDÁCTICO DE EDUCACIÓN INFANTIL
2.- LIBROS DE TEXTO E MATERIAL DIDÁCTICO DE EDUCACIÓN PRIMARIA
Pódense visionar, imprimilos e descargalos en formato pdf
SOLICITUDES DE AXUDAS.
Estan a disposición dos solicitantes das familias do alumnado de 1º,2º, 5º e 6º de Primaria para o vindeiro curso académico 2010-2011 os impresos (Anexo I) das solicitudes de axuda para libros de texto e material didáctico. Dende a páxina da Consellería de Educación pódeno descargar tamén se o desexan. Dispoñen de máis información na propia páxina da Consellería INFORMÁMOSLLES QUE NON SE TRAMITARÁN SOLICITUDES FÓRA DE PRAZO, polo que deben acudir coa información requerida para tramitala coa antelación que estimen necesaria. O CENTRO ENTREGARÁ OS VALES ás familias O ANTES POSIBLE, para adquirir os libros e material escolar no correspondente establecemento, á súa libre escolla e polo importe máximo que figura no documento.
O pasado día 28 de maio fixemos un tramo do Camiño de Santiago a pé, dentro do concello de Arzúa. Saímos dende o cole e chegamos ata o campo da festa de Preguntoño....chegaron ata os máis peques do cole, están feitos uns camiñantes!!
Foron uns 3 quilómetros do máis divertido, nos que poidemos desfrutar da natureza, das fermosas paisaxes do noso concello, nos que coñecimos a outros peregrinos,...Foi unha moi boa xornada de convivencia, que nos deixou ganas de repetir!!
Ollade o ben co pasamos premendo aquí ou na imaxe.
Durante a Semana das Letras Galegas poidemos disfrutar da visita de Montserrat Varela, Mar Guerra, Lobato e un grupo de teatro da Asociación Socio-Cultural de Minusválidos (ASCM) Dende aquí, queremos darlles as grazas por visitarnos e facernos pasar un bo rato, sen dúbida souberon transmitirnos o valor dos libros.
Preme na imaxe para ver algunha fotografía deste momento
A semana do 19 ao 23 de abril celebramos no colexio o Día do Libro.
Dende o equipo da bilioteca organizamos un xogo de investigación vencellado ca arte.
Os nenos e as nenas de educación infantil tiveron que atopar determinados contos a partir de imaxes das súas personaxes.
Para os rapaces e rapazas de educación primaria, preparáronse varias fichas de artistas (pintores, ilustradores, arquitectos, escultores, músicos) e que se colocaron nunhas mesas moi modernistas. Ao entrar na biblioteca tiveron que respostar a unha serie de preguntas vencellas con eses artistas.
Para ver o ben que o pasamos como investigadores da arte e dos libros mira as fotos premendo aquí.
Xunta de Galicia - Consellería de Educación, 2013 | ||
