O profesorado do noso colexio estivo traballando ao longo deste mes de maio a figura do autor homenaxeado este ano polas Letras Galegas. 

Entre todas e todos enchemos este mural con información relativa ao mesmo. Repartimos o traballo e a E. Infantil tocoulles ilustrar coplas e cantigas recollidas por Antonio Fraguas, 1º e 2º ilustrou as carátulas das súas publicacións máis coñecidas ("Galicia máxica", "Carnaval e outras festas", "Aportacións ao cancioneiro de Cotobade", "A festa popular en Galicia", "Romarías e Santuarios"...), 3º e 4º buscou información sobre o  Museo do Pobo Galego e 5º e 6º recolleu os oficios artesáns da nosa contorna explicando en que consisten, que materiais empregan e como elaboran os seus produtos. 

Así quedou o noso mural!!