Continuamos coas actividades programadas no noso colexio para conmemorar as Letras Galegas.

Onte, 22 de maio, recibimos a Mero, Paco e Manolo; tres músicos que nos achegaron ao folclore da nosa terra. Con eles fixemos un percorrido por esas cancións populares, que a todos e todas nos gusta cantar cando estamos de troula e, tamén, lembramos coplas recompiladas por Antonio Fraguas. 

Grazas a estas tres persoas marabillosas por compartir desinteresadamente connosco un anaco do seu tempo e darnos a coñecer unha parte importante do noso patrimonio cultural, que é a música.