Modesto nos volve a asombrar coas súas pescudas na hemeroteca, e nos trae un artigo dunha ex-alumna do noso colexio, Blanca Peral de Éntoma, campiona galega de cross alá polo ano 1985.

Blanca Peral xa tivo dous fillos no colexio, ou sexa que é ex-alumna e tamén nai de alumnos.

Realmente o artigo paga a pena lelo, e comprobar como teñen cambiado as cousas nisto do deporte feminino.

Blanca Peral by Xoaquín Freixeiro on Scribd

Aquí podedes consultar os documentos relacionados coa Biblioteca Escolar: Plan lector, Proxectos do Plambe, memorias dos distintos proxectos...

Plambe_memoria23-24 by Quini Freixeiro

Xa temos gravado e colgado na nube o noso segundo programa de radio, da nosa Dino Radio, e desta volta cunha moi interesante entrevista ao profe David (aínda que se xubilou segue a ser o noso profe, non si?) polo seu libro "Brian o Chinés".

Tamén nos falan do seu proxecto sobre o Principiño os alumnos de 4º B, e hai música das clase de 5º, que nos deleitan co Son do Ar.

Non volo podedes perder!

Sabes que percorrido realiza ese pasteliño tan rico que che acaban de dar a probar por dentro do teu corpo ata que volve saír ao exterior completamente transformado en algo xa non tan saboroso?

Se o sabes anímate e xoga con este padrón dos escornabots, onde atoparás paso a paso todos os elementos que interveñen na dixestión dos alimentos que inxerimos.... o problema é que están desordeados e ti, co teu robot terás que ir de casiña en casiña seguindo o orde correcto que percorren os alimentos.

Velaquí dous novos padróns para traballar cos escornabots, referidos ao principiño, o encantador personaxe de Antoine de Saint-Exupéry, que foi o eixo do traballo do proxecto "@ principiñ@ que todos levamos dentro", que desenvolveron os alumnos e alumnas de 4º B, e que lles levou a traballar en murais, programación e robótica.

O xogo, como o da Oca, permite saltar dunha casiña co principiño deica outra co mesmo personaxe, no caso de caer nela.

Este ano tamén realizamos a nosa feira de proxectos, e a biblioteca converteuse nunha sala de exposicións. Neste caso presentaron nos dous espazos da biblioteca os proxectos de a lactancia materna, e o principiño que todos levamos dentro.

Aquí podedes ver unha escolma dos traballos feitos polo noso alumnado dentro do proxecto do Son e o Ruído que fixemos neste curso 2018-19.

Esperamos que vos guste, porque eles fixérono con moito cariño e esforzo!!

Proxecto o Son e o Ruído by Xoaquín Freixeiro on Scribd

Jorge Paradelo, ex-alumno do noso centro, acaba de acadar o segundo posto na proba do mundial de Enduro a 2 tempos realizada en Santiago, e ocupa a terceira posición na clasificación xeral do mundial.

Neste programa poderedes escoitar:

1. Unha biografía de Antón Fraguas
2. Unha referencia do club de lectura de 5º
3. Unha entrevista a Rubén de 5º sobre a actividade de Xogos Deportivos
4. O proxecto de ruído e silencio de 2º
5. Unha peza musical interpretada por 6ºA
6. Unha poesía de "os nosos autores en voz alta" de 1º

Como todos os anos temos que celebrar a chegada do mes de maio, e da festa das nosas letras, do noso idioma, da nosa cultura...

E que mellor xeito que dando ao prelo a nosa querida revista escolar, o Trágame Terra, adicado este ano, como non podía ser doutro xeito, a Antón Fraguas, un estudoso e amante da nosa cultura popular.

Vaia para el este número.

Tragame Terra by Xoaquín Freixeiro on Scribd