Seguindo o proxecto de A volta ao mundo, as clases de cuarto decidimos investigar dous países con máis detalle. Aproveitando que estabamos dando o territorio de España, eliximos dous países limítrofes: Portugal e Francia. Os pasos que seguimos foron estes:
a) Sorteamos os países e o apartado que cada grupo debía investigar (localización, lugares típicos, gastronomía, música e bailes, tradicións, historia etc.)
b) Comezamos a busca de información, para isto collimos as tablets e tamén fomos a ordenadores. Cada grupo recibiu un papeliño con algunhas webs nas que podían buscar. En folios a sucio foron copiando os datos que consideraron máis importantes para o seu apartado.
![](/centros/ceipchanopinheiro/system/files/u70/PhotoGrid_1573049801783.jpg)
c) Unha vez recompilada a información, pasouse a galego e acordamos quen se encargaba de pasar á peza do puzzle cada anaco. Eles mesmos foron os que o dedicidiron, de modo que todos puidesen escribir no puzzle.
d) Completaron e decoraron o puzzle.
![](/centros/ceipchanopinheiro/system/files/u70/PhotoGrid_1573675405263.jpg)
e) Estudaron na casa a súa parte (algúns máis que outros ;) )
f) Por último, as clases contáronse na biblioteca o traballo sobre o seu país.
![](/centros/ceipchanopinheiro/system/files/u70/PhotoGrid_1574371234612.jpg)
Este foi o resultado das pezas de puzzle:
![](/centros/ceipchanopinheiro/system/files/u70/PhotoGrid_1574380432504.jpg)