Polo Nadal, as clases de cuarto estiveron bastante atarefadas con actividades moi diversas:
-Escribiron unha postal para a clase que lle tocara no sorteo. A modo de chuvia de idea, fomos consensuando o contido da postal e logo decorárona. O paso final foi lerlla á clase correspondente:
-Lemos e disfrutamos coa postal que nos regalaron a nós outros cursos, moitas GRAZAS!!!
-En plástica decoramos o corredor con boliñas de Nadal, dentro contiñan desexos para o ano próximo. Previamente, fixemos unha sesión entre as dúas clases na que comentamos os nosos propósitos para 2020.
-Tamén creamos bonecos de neve con material reciclado: botellas de plástico recheas de boliñas de papel usado, restos de goma eva e doutros materiais que sobraran doutras actividades. Estes bonecos leváronos o Concello e expuxéronse na vila. Non hai foto, pero foi unha tarefa ben motivante.
-Ademais, preparamos a canción do festival, foron os propios nenos os que traduciron a canción e os que crearon versos novos. Noraboa polo traballo!