Bo día familias.

Velaí vai a exhibición do alumnado de 5º de Educación Primaria. Naceron artistas...

BRAVOOOO!!!!

Gatiza está moi feliz coas vosas recomendacións de libros en galego! Moitísimas grazas por participar traendo as vosas fotos. Mirade que mural tan chulo fixemos entre todas e todos!

Gatiza volve a aparecer pola escola para pedirvos que lle recomendedes lecturas en lingua galega. Para iso, quere que traiades ao cole unha foto vosa co voso libro favorito en galego. Lembrade, que se vexa ben a vosa cara e a portada do libro, e que sexa en galego!

Bo día familias.

Nesta ocasión foron as alumnas e os alumnos de 6ºB quenes nos fixeron desfrutar cunha sensacional sesión de baile aderezada cunha pizca de figuras acrobáticas.

DENTRO VÍDEO!!!

O día 25 de novembro,  Día Internacional contra a violencia de xénero , non quixemos que pasase desapercibido no noso cole.

Para comezar viñemos todas e todos vestidas/os de negro con algún detalle lila, e ao longo da mañá fomos facendo diversas actividades:

O alumnado de 6º de primaria representou "Artur e Clementina" versión moderna 2.0. E grazas á Anpa tivemos a sorte de asistir a un espectáculo de maxia da compañía "Magia en la manga" no que se reivindicaba o papel da muller na maxia. Comezaron facéndonos reflexionar, pedíndonos que dixesemos algunha característica dos magos de hai tempo, e  como era previsto, todos os rasgos que se dixeron foron masculinos: barba,  bigote... e este foi o punto de partida. Presentáronnos diferentes figuras de magas e nos amosaron moitos trucos.

Colocamos un tear no patio do cole e tecimos en igualdade, foi unha xornada do máis emotiva.

E para finalizar, rachamos coas cadeas da violencia de xénero dixital enmarcada na actividade proposta polas FANPAS.

Onte conmemoramos o día da infancia reivindicando o dereito das nenas e dos nenos  ao descanso, o xogo e a unha alimentaciín saudable.

Para iso, todas e todos vestidos de cor gris, levamos a cabo unha performance estética onde sentamos enriba dos nosos coxíns e estivemos 5 minutos en silencio. Tamén viñeron familias a participar con nos na nosa reivindicación.

A merenda foi a cargo de AGRONUQUEL (tenda ecolóxica en Fene) que de maneira desinteresada trouxo froitas para todos e todas.

E por último, xogamos e sobre todo desfrutamos.

unha vez máis, COS NOSOS DEREITOS NON SE XOGA!

O pasado día 8 de novembro recibimos no cole a visita de moitas docentes doutros centros educativos da contorna. As mestras de infantil amosaron a este grupo como funcionaban os ambientes no noso centro, presentando unha serie de propostas que se estaban a desenvolver neses días, así como o proceso de creación dos mesmos. 

Foi unha xornada moi especial na que puidemos intercambiar experiencias e amosar un pouco do noso día a día. Resultou moi enriquecedor.

Grazas por vir!

Saúdos familias.

Momentos de xuntanza e folklore no CEIP P. de Centieiras;

Gaitas e tambores,

castañas e peóns,

QUE VIVA A TRADICIÓN!!!

O venres día 11 de novembro celebramos na escola o Magosto e o Día do Peón. Foi unha xornada festiva na que desfrutamos moito todos xuntos, alumnado, profesorado e familias, bailando os peóns e degustando castañas asadas e chocolate quente grazas á ANPA que, como sempre, colaborou co centro de xeito totalmente desinteresado. Moitas grazas!

Para rematar a festa, houbo unha repichoca na que participaron alumnado e familias tocando música tradicional galega. Son uns auténticos e auténticas artistas, da xenio escoitalos! Non parabamos de pedirlles outra e outra, así que tocaron moitos bises e, a maioría, aproveitamos para botar uns bailes. Foi unha festa rachada!

Foi unha marabilla desfrutar desta festa xuntas e xuntos. Para o ano, repetimos, non?

Presentámosvos a primeira coreografía de CAMIÑO Á FAMA. Iniciativa enfocada cara ao fomento do ocio activo e enmarcada dentro do programa EDUSAUDE. Foron as alumnas e alumnos de 6°A @s encargad@s de dar inicio á actividade.

COS DEREITOS NON SE XOGA!

O domingo 20 de novembro se celebra o día da infancia polo que o vindeiro luns día 21 de novembro loitaremos polo noso dereito ao descanso, o xogo e a unha alimentación saudable (contamos coa colaboración de Agronuquel: Agricultura ecolóxica en Fene). 

As 11:00h da mañá sairemos cara á a praza do concello reivindicando os nosos dereitos. Para isto, levaremos un coxín cada unha e un de nos e faremos unha performance estética. Sentaremos en cada coxín e estaremos 5 minutos en silencio. 

Estades todas e todos convidados a participar. 

Hoxe, domingo 13 de novembro é o día da amabilidade e no cole intentamos telo presente todos os días do ano, máis esta semana adicámola de cheo a traballar este valor co conto "EL ÁRBOL DE LA AMISTAD".Por fín deixamos atrás ese confinamento no que unha palmada amable de afecto estaba mal vista ,así foi como quedou dañado o noso comportamento amable e agora máis que nunca témolo que recuperar.

Toda a comunidade educativa de Centieiras cremos que é importante fortalecer o benestar social cumplindo valores como este"a amabilidade",polo que  fixemos presente a nosa amabilidade cun saúdo cariñoso, unha  sonrisa oportuna ou unha palmada de afecto,reflectindo todo nesta árbore,enchéndoa de mensaxes  amables escritas nun corazón.

O Equipo de Dinamización da Lingua Galega decorou a entrada da escola con este marabilloso arco de globos en cores de outono e co mural de Gatiza, que pintou o alumnado de 5º EP.

Quedoulles fenomenal, non vos parece?

Este venres, día 11 de novembro, celebraremos na escola o Magosto e o Día do Peón. Lembrade traer os vosos peóns para amosarnos as vosas habiliadades bailándoos!

Ademais, teremos unha degustación de castañas asadas e chocolate quente grazas á ANPA.

Remataremos a festa con música, desfrutando dunha repichoca. Vai ser moi divertido!

As familias do alumnado están convidadas a asistir desde as 12:00 horas, momento no que comezará a celebración. Animádevos e non volo perdades!

Que mañá tan terrorífica tivemos o pasado venres!!! Chegou o Samaín 2022 e no CEIP PLurilingüe de Centieiras pasámolo de medo. Para deixar constancia da xornada, compartimos un resumo do vivido en forma de vídeo fotográfico.

ADVERTENCIA: o vídeo contén imaxes que pode ferir sensibilidades