No colexio CASTELAO xa se respira un ambiente navideño...
Nos corredores...
Na Biblioteca...
E o que nos queda...!!! En breve ensinaremos máis fotografías de todo o que está acontecendo nestas datas...
No colexio CASTELAO xa se respira un ambiente navideño...
Nos corredores...
Na Biblioteca...
E o que nos queda...!!! En breve ensinaremos máis fotografías de todo o que está acontecendo nestas datas...
Abrindo portas contra a violencia de xénero no CEIP ADR Castelao de Ordes. 25 N. Curso 2018/19.
Por mor da conmemoración do Día Internacional da Infancia, tivemos a sorte de que a nosa compañeira Begoña fixese un contacontos para o 5º nivel da Educación Infantil na Biblioteca de Botalerias.
Contounos o conto de "El lápiz mágico de Malala", falounos da súa vida e do moito que loitou polos dereitos dos nenos e das nenas...
E de agasallo, levamos uns lapis máxicos para debuxar todo o que queiramos...
Grazas profe Begoña!!!
Chegado o remate do mes de outubro, no colexio comezamos a vivir moi intensamente o Samaín. As familias colaboraron coa decoración de máscaras de medo que estiveron expostas nos corredores, o alumnado afanouse en decorar as aulas e as zonas comúns, escoitamos contos de medo que collemos na Biblioteca, vimos curtas arrepiantes... e chegado o día 31... vestímonos de personaxes de películas de medo!!
A colaboración das familias foi, coma sempre, exemplar e grazas a elas este día todo saiu á perfección!! Moitas grazas!!
Se queredes ver un pouquiño do que vivimos ese día, dádelle ao Play... Ollo, dá moito medo!!
Cando o frío comeza... que mellor cousa podemos facer ca comer unhas castañas ben quentiñas???
Outro ano máis, tivemos a visita no noso colexio do Castañeiro Bieito! Ese día, fixemos coincidir o MAGOSTO coa celebración do Samaín e podemos dicir que, seguramente, Bieito nunca outros visitantes tan terroríficos tivo na súa vida!!
Ao rematar de comer castañas, o tempo acompañounos e puidemos bailar e gozar da actuación de "Os Viqueiras de Ordes". Aseguramos con rotundidade que non hai mellor maneira de amenizar unha festa tan galega como é o noso Magosto que co son destes instrumentos! Encantounos!!!
Premede nas imaxes para ver unha breve montaxe con fotografías do magosto e da actuación dos Viqueira de Ordes...
O Samaín chegou á Casa de Botalerias...
Dende o Equipo da Biblioteca, quixemos colaborar na conmemoración do Samaín. Para elo, ambientamos o noso espazo con motivos terroríficos e fixemos unha recompilación de libros que temos a disposición de todo o profesorado e alumnado para consultar nestas datas... agardamos sexan do voso "desagrado"
Para conmemorar o Día das Bibliotecas Escolares, decidimos comezar co empréstito nos recreos.
Está sendo un éxito total e para motivar ao alumnado a que visite a Casa de Botalerias levan de agasallo unha chapa de recordo!
"LER PREXUDICA GRAVEMENTE A IGNORANCIA" non o esquezas!!
Dende o Equipo de Dinamización da Lingua Galega do noso centro propúxose ao claustro a conmemoración das Letras Galegas cunha serie de actividades previstas para os días 14, 15 e 16 de maio. A aceptación foi unánime e todas e cada unha das actividades foi un éxito.
Toda esta labor, supuxo un gran esforzo para as titorías participantes pero tanto traballo tivo a súa recompensa. O alumnado desfrutou como poucas veces e as actividades foron un éxito!
O alumnado de Educación Infantil fixo un colage cunha caricatura do rostro de María Victoria Moreno.
O alumnado de 1º e 2º de Educación Primaria preparou os datos máis significativos da biografía da autora homenaxeada.
O alumnado de 3º, 4º, 5º e 6º de Educación Primaria foi o encargado de mostrar a súa obra.
E este foi o resultado final:
Así mesmo, un grupo de mestres/as do centro, xunto co alumnado de 1º C de Educación Primaria, preparou unha adaptación da obra "A FESTA NO FAIADO" da autora homenaxeada e representouna para os/as compañeiros/as durante a hora de ler. Foi un éxito entre o público!!
E todo elo, dispoñendo da obra de María Victoria Moreno nun expositor da Biblioteca de Botalerias, creado para este fin polo Equipo de Biblioteca; e do que poder botar man en calquera momento.
MARÍA VICTORIA MORENO
NAMORAD@S DA NOSA LINGUA!
Unha vez rematada a I Feira do Libro Solidario e despois de ter analizado e avaliado o proceso e o resultado; chegou a hora de relaxarse e mostrarvos a través desta montaxe, as imaxes de como se desenvolveu e do gran éxito que tivo entre o noso alumnado.
Esperamos que desfrutedes vendo as imaxes, tanto coma nós mentres tivo lugar a feira!
Agradecemos especialmente a creación desta montaxe, á mestra Rocío, que tantas horas adicou ao procesamento das numerosas fotos dos 5 días de Feira!
Os nenos e nenas do CEIP ADR Casteao celebran os maios.
Preme na imaxe para ver a montaxe que fixemos.
MOITAS GRAZAS A TODAS AS FAMILIAS POLA SÚA COLABORACIÓN.