CEIP ADR Castelao

PARA CONMEMORAR O "DÍA DE ROSALÍA", O ALUMNADO DE 4º DE E.I.B, 5º DE E.I.A E 5º DE E.I.B TRABALLOU ARREDOR DA OBRA "ADIOS RÍOS, ADIOS FONTES".

PARA VER O GRAN TRABALLO QUE FIXERON, PINCHADE NA IMAXE.

 

• Conmemoracións

O sábado 18 de febreiro celebrouse o Campionato Provincial de Campo a Través no circuíto de Cabío, na Pobra do Caramiñal, no que o C.E.I.P. A.D.R.Castelao contou coa participación de 7 representantes.

En categoría Alevín Feminino o equipo integrado por Patricia, Nadia, Antía, Julia, Noa e Helena acadou un meritorio 5º posto por equipos; e na categoría Infantil Masculino, Samuel logrou un destacado 12º posto.

           

 

 

 

• Outras actividades

O ENTROIDO XA COMEZOU NO C.E.I.P. CASTELAO...

 

NO NOSO "MECO" VERÁS,

AS CONSIGNAS DESTE ANO...

FÍXATE BEN NO BONECO

E FAI CASO DO MANDADO.

 

LUNS:

O LUNS COMO EMPEZAMOS

ALGO POSTO NA CABEZA...

UN PANO BEN ATADIÑO

PARA EMPEZAR COA FESTA.

 

MARTES:

O MARTES SEGUES CO PANO

E ENGADES UN MANDILÓN

OU UN MANDIL BEN CHUSQUIÑO

PARA CONTINUAR CO FESTÓN.

 

MÉRCORES:

O MÉRCORES SEGUIRÁS VINDO

CO PANO E O MANDILÓN

E TRAERÁS UNHAS MEDIAS

POR RIBA DO PANTALÓN.

 

XOVES:

O XOVES REMATA O CONTO

CON PANO, MANDIL E MEDIAS

XUNTO CUNHAS ZAPATILLAS

DESAS QUE DÁ XENIO VELAS.

 

SE VES QUE PODE CHOVER

PODES POÑER BOTAS DE AUGA

NON SEXA QUE TANTA FESTA

TE LEVE ENFERMO PARA A CAMA.

 

 

 

 

 

 

• Conmemoracións

O DÍA 31 DE XANEIRO OS NENOS E AS NENAS

DE 1º DE EDUCACIÓN PRIMARIA DO NOSO COLE

FORON A UN CONCERTO DIDÁCTICO A SANTIAGO DE COMPOSTELA... TITULÁBASE "UNHA VIAXE A TEMPO".

PASÁMOLO XENIAL PESE Á CHOIVA QUE OS ACOMPAÑOU!!

 

 

• Saídas didácticas

 

DENDE O CEIP CASTELAO QUEREMOS ENVIAR ENERXÍA POSITIVA A TODOS E CADA UN DOS RECUNCHOS DO MUNDO... PARA ELO FIXEMOS UNHA EXPOSICIÓN NA QUE PARTICIPARON TODOS OS NENOS E AS NENAS DO CENTRO. NELA TRANSMITEN AS SÚAS MENSAXES DE PAZ E O QUE ENTENDEN POR "PAZ" CADA UN/UNHA DELES E DELAS.

 ... non hai camiño para a paz, a paz é o camiño...

 

 Tamén outros/as nenos/as se quixeron sumar dende diferentes áreas e con diferentes actividades... para celebrar este día.

Por exemplo os nenos e as nenas de 3 anos A prepararon unha exposición sobre Isabel Zendal... "Unha muller de paz"... dentro do proxecto "Un paseo por Ordes" no que estamos traballando en todo o colexio.

 

 

E os nenos e as nenas de 1º, 2º e 3º de Educación Primaria prepararon xunto coa súa mestra de Educación Física unha exposición polo día da Paz.

 

 

 

 

• Conmemoracións
• exposición
• mensaxes
• paz
• Actividades

 

O pasado sábado, 21 de xaneiro, un total de 10 escolares do C.E.I.P. A.D.R. Castelao participaron na Fase Interzonal de Campo a Través, proba que se desenvolveu no circuíto da Alameda de Santiago de Compostela e que era clasificatoria para o Campionato Provincial que se disputará o 18 de febreiro na Pobra do Caramiñal.

A actuación d@s nos@s escolares foi, unha vez máis, moi destacada, acadando o primeiro posto por equipos na categoría alevín feminino, o terceiro posto individual de Nadia González na mesma categoría e o cuarto de Samuel Fariñas en infantil masculino, ademais da boa participación a nivel xeral do resto de integrantes.

Con estes resultados, son 7 os e as integrantes do noso centro que poderán participar no Campionato Provincial que se disputará no circuíto de Cabío, na Pobra do Caramiñal, o sábado 18 de febreiro.

 

 

 

 

 

• Outras actividades

 

O venres 2 de decembro, un total de 37 alumnos e alumnas do noso centro participaron na Fase Comarcal de Campo a Través, dentro do programa XOGADE de Deporte en Idade Escolar. As probas desenvolvéronse no circuíto na área recreativa de A Magdalena, no concello do Pino.

Nesta competición, o C.E.I.P. A.D.R. Castelao estivo representado por alumnos e alumnas das categorías alevín e infantil (4º, 5º e 6º de Educación Primaria), obtendo uns resultados moi destacados nas diferentes probas e culminando éstes coa consecución do primeiro posto en tres das catro categorías nas que se participou.

Nadia González Vázquez, Yago Ferreño González e Samuel Fariñas Fernández subiron ao máis alto do podio nas respectivas probas: alevín feminino, alevín masculino e infantil masculino; culminando unha gran xornada tanto a nivel individual como colectivo.

 

 

 

 

 

 

• Outras actividades

UNHA DAS MESTRAS DE INGLÉS DO CENTRO PARTICIPOU DURANTE UN MES NO PROGRAMA PIALE DA CONSELLERÍA DE EDUCACIÓN, MODALIDADE DE "INTEGRACIÓN", XUNTO CON OUTR@S 24 DOCENTES GALEG@S. ASISTIU COMO OBSERVADORA DO FUNCIONAMENTO DAS ESCOLAS DA PROVINCIA DE ONTARIO (CANADÁ) E ASÍ COÑECER O SISTEMA EDUCATIVO CANADIENSE, AS METODOLOXÍAS E DINÁMICAS DE AULA EMPREGADAS.

ESTAS DÚAS PRESENTACIÓNS TEÑEN COMO FIN COMPARTIR CON VÓS A SÚA EXPERIENCIA E ESPERAMOS QUE TODO O APRENDIDO REPERCUTA NA MELLORA DA APRENDIZAXE DO ALUMNADO.

 

PREMEDE NOS SEGUINTES ENLACES PARA VER AS PRESENTACIÓNS:

O MODELO EDUCATIVO EN ONTARIO.pdf

UNHA ESTANCIA EN CANADÁ.pdf

 

 

• Profesional