CONTACONTOS EVA VARELA. O COELLIÑO AVENTUREIRO

Acabamos de recibir no centro a visita dunha contacontos chamada Eva Varela. Vén do concello de O Pino e contounos o seu conto "O coelliño aventureiro", no que se traballa o tema da necesidade de facerlles caso ao que nos din os nosos pais e as nosas nais.

 

Dende o colexio, quixemos darlle unha sorpresa e veu o mesmísimo Botalerias en persoa a lerlle un poema que Eva escribiu á súa filla fai moitos anos e que, sen ser a súa intención, acabou sendo publicado nunha recompilación publicada pola Xunta de Galicia; "Escola de sentimentos".

 

 

Ao final, asinoulles, con infinita paciencia, todos os exemplares que os cativos e cativas lle achegaron.

 

GRAZAS POLA TÚA VISITA!!

 

VÍDEO-RESUMO DA II FEIRA DO LIBRO SOLIDARIO. DÍA DO LIBRO 2019

POIS XA REMATOU A FEIRA DO LIBRO DESTE ANO 2019...

E, DE NOVO, FOI TODO UN ÉXITO!!!

AGRADECEMOS DUN XEITO INFINITO A TODAS AS FAMILIAS DO NOSO ALUMNADO POR IMPLICARSE DESTA MANEIRA TANTO NA DOAZÓN DOS LIBROS COMA NA DOAZÓN DE PRODUTOS DE PRIMEIRA NECESIDADE.

E NON QUEREMOS ESQUECERNOS DA ENORME LABOR DOS VOLUNTARIOS E VOLUNTARIAS DA CRUZ VERMELLA DE ORDES, SEN @S QUE NON SERÍA POSIBLE LEVAR A CABO ESTA ACTIVIDADE.

AGARDAMOS QUE CON ESTE TIPO DE INICIATIVAS, QUEDE NO NOSO ALUMNADO UNHA SEMENTE DE SOLIDARIDADE QUE BROTE NA SÚA XUVENTUDE E CONTINÚE DURANTE TODA A VIDA!

DESPOIS DE FACER O RECONTO FINAL, PODEMOS COMUNICAR QUE, DESTA VOLTA, CONSEGUIMOS DOAR ALGO MÁIS DE 600 PRODUTOS DE HIXIENE PERSOAL, CASE 200 PRODUTOS DE LIMPEZA E ARREDOR DE 900 PRODUCTOS DE ALIMENTACIÓN. 

MIRADE O SEGUINTE VÍDEO NO QUE RESUMIMOS UN POUCO ESTES CINCO DÍAS DE FEIRA ININTERROMPIDA!!

(Música de Pablo Díaz -TIC TAC-).

Preme na imaxe para velo.

AVALIACIÓN BIBLIOTECA

 

ENQUISA PROFESORADO

 

ENQUISA ALUMNADO

 

 

VISITA DE XELIS DE TORO.

Na Biblioteca de Botalerias tivemos a sorte de contar coa visita de Xelis de Toro e pasar con el unha agradable sesión.

Encántannos este tipo de activiades, a través das cales podemos coñecer mellor tanto ao escritor/a coma a obra traballada e fainos ver a lectura dende un punto de vista diferente.

Foi todo un pracer! Moitas grazas por vir ao noso colexio!!

Premede aquí para ver parte da actividade.

 

CONMEMORACIÓN DO DÍA CONTRA O ACOSO ESCOLAR

Con motivo da conmemoración do Día contra o Acoso Escolar, no centro están tendo lugar unha serie de actividades e sesións formativas ao longo de toda a semana do 2 de maio.

O luns 29 de abril, deu comezo o conxunto de actividades previstas para estes días. Celebrouse unha charla informativa para as familias, impartida polos profesionais da Garda Civil do cuartel de Brión.

                              

O venres 3 de maio, será a quenda do alumnado de 5º e 6º de Educación Primaria. Estes rapaces e rapazas asistirán a sesións que traten este tema, sempre adaptándose á súa idade, impartidas tamén pola Garda Civil, dentro do Plan Director da Consellería de Educación.

 

Igualmente, na Biblioteca do centro, están dispoñibles diversas obras, novelas, contos... relacionados coa temática do Acoso Escolar e que foron traballados nas aulas.

E dende o Equipo das Tecnoloxías da Información e da Comunicación, facilitouse unha listaxe de películas e curtametraxes que tratan o tema do Acoso Escolar enfocado ao alumnado de entre 3 e 12 anos e puideron ser traballadas tamén nas aulas ao longo destes días.

 

SEGUIMOS COS CONTACONTOS DE 5º DE EDUCACIÓN INFANTIL...

Os cativos e cativas de 5º de Educación Infantil seguen a desenvover as sesións de Contacontos que levan realizando ao longo de todo este curso.

Esta última vez, foi a mestra Begoña a encargada de contarlles, en verso, grandes historias coas que se divertiron, imaxinaron e aprenderon. 

DÍA DO LIBRO 2019

Acaba de dar comezo a II Feira do Libro Solidario do CEIP ADR Castelao de Ordes.

Queda por diante unha semana de solidaridade e lectura... na que todo o alumnado que o desexe, poderá intercambiar produtos de alimentación, hixiene e limpeza do fogar polos libros que estarán dispoñibles na Feira.

Agardamos que sexa un éxito e animámosvos a que colaboredes dende as casas, sen esquecer o carácter solidario e altruísta da actividade. 

 

COÑECEMOS AO CREADOR DE BOTALERIAS

O alumnado de 5º e de 6º de Educación Primaria, tivo o pracer de coñecer en persoa ao creador/deseñador da mascota da nosa Biblioteca, de Botalerias; chámase Antonio Castro.

Moitas grazas pola túa visita, pola túa colaboración e por mostrarnos parte da túa obra.

 

SEMANA DA PRENSA

Ao londo de toda a semana do 11 ao 15 de abril, todo o alumnado do centro estivo traballando coa prensa de moi diferentes modos.

Na Biblioteca do centro, en concreto, puideron coñecer e manipular, por primeira vez para moitos/as deles/as, prensa estranxeira.

Así mesmo, aproveitando que estamos a traballar arredor do tema "Os animais en perigo de extinción", no corredor de direción, expuxéronse numerosas novas en relación a este tema. Case todas as aulas fixeron a súa aportación e grazas a isto, enterámonos de cousiñas moi interesantes...

 

CONTACONTOS PEDRO...

O alumnado de 5º e 6º nivel de Educación Primaria, asistiu a un contacontos a cargo de Pedro Mañas, na Biblioteca do cole, na Casa de Botalerias.

A actividade encantounos a todos e a todas!!

Moitas grazas pola túa visita!