Biblioteca

Aquí tendes unha proposta para facer doces e receitas de Samaín.

Aquelas que queirades unha receita, chamade ao cole.

As receitas son:

Madalenas caseiras para lamber os fociños.

Fabulosas galletas francesas recheas de praliné.

Brownie

Boliñas de pan branco con mestura de iogur

Pizza romana ao xeito de Román

Cookies de chocolate tamaño XXL

Ratatouille

Flan de chocolate

Piruletas de chocolate

Muffins de arandos recheos de iogur

Caracois de chocolate

Aquelas familias que queiran algunha destas receitas que o comuniquen ao centro e llas faremos chegar.

Bo Samaín a todas!!

Mirade algunha fotiño da exposición final do proxecto de animais autóctonos!!

Hoxe tivemos a festa final do clube de lectura. Tivemos a sorte de contar con María Lado que nos contou moitos segredos sobre o proceso de creación do libro e que respondeu as nosas dúbidas sobre o libro.

Merendamos xuntas tal e como quedaramos no inicio do clube e foi un día moi agradable e divertido para todas!!

Grazas María por vir a merendar con nós. Foi un placer escoitarte.

Para o curso que vén imos a tope co clube de lectura!

Actividade do programa ConvíveT

Despois dunha longa espera aquí están os resultados do rastrexo literario. Sabemos que pasou tempo, pero o bo faise esperar e é moi bo aprender a cultivar a paciencia.

Sen bromas, estivemos ocupadas no cole en outras tarefas burocráticas urxentes e non atopamos momento para pasar a limpo os datos para publicar, aínda que ao alumnado de primaria xa llo dixeramos no cole.

Houbo un empate entre os dous equipos de sexto e terá que levarse a cabo un desempate que se fará a última semana de curso. Consistirá nunha rolda de pasapalabra con contido literario. O equipo que máis respostas correctas dea será o gañador!! O premio xa será dado ao alumnado no propio centro ese mesmo día.

Ao equipo gañador de Infantil xa se lle dará o premio na clase.

Moitas grazas ao alumnado e familias por participar e, o curso que vén repetiremos, ídevos poñendo ao día en contidos literarios: LEDE MOITO!!

Actividade da modalidade ConvíveT

Este mes de abril púxose en marcha o noso clube de lectura.

Comezamos co libro Caramomia. Estas primeiras xuntanzas foron estupendas e xa temos plans para o broche final da actividade. Iremos informando!!