Biblioteca

Unha das actividades que fixemos pola conmemoración do 25 de novembro, foi "vestir" a nosa árbore da biblioteca para a ocasión. Cada nena e cada neno elaboraron unha bolberta morada cunha mensaxe de esperanza e respecto, para poder colgala das súas ramas.

Despois da pandemia, por fin podemos recuperar as mochilas viaxeiras, para que poidades desfrutar en familia de fantásticas lecturas e xogos.

Todas as mochilas inclúen alo menos: un libro de lectura, un cómic (banda deseñada), un libro de consulta, un xogo e un libro de para os adultos da casa.

Ademais de fomentar a lectura, con esta mochila pretendemos que pasedes bos momentos en familia, desfrutando de tempo xuntos.

Na mocbhila viaxa tamén unha libreta, na que podedes facer anotacións, suxestións, contar as vosas opinión e/ou o que máis vos gustou, facer algún debuxo...

Lembrade coidar moito os libros e materiais que van na mochila viaxeira!

Na celebración do Día das Bibliotecas tivemos a sorte de contar con Anxo Moure, que ademais de contarnos grandes historias relacionadas co medio ambiente e a árbores, levounos de ruta para ver a cantidade de árbores autóctnonas que temos na nosa escola. Unha gran sorte!

Para celebrar a festa de Samain, o alumnado desfrutou dunha xornada de xogos a través duns obradoiros organizados polo Equipo de Dinaminzación da Lingua Galega.

A continuación podedes ver algunhas das actividades que se levaron a cabo na Biblioteca:

Aquí vos deixamos as nosas recomendacións lectoras polo Samaín.

Tamén podedes visitar a nosa exposición de "Contos de medo"