Xúntase o Decreto 86/2015, do 25 de xuño, polo que se establece o currículo da educación secundaria obrigatoria e do bacharelato na Comunidade Autónoma de Galicia.
File:
Tema:
Ensinanza:
Colectivo:
Sección:
Para coñecemento da comunidade educativa, dáse difusión ao Proxecto de Orde pola que establece a relación de materias de libre configuración autonómica en ESO e no Bacharelato, se regula o seu currículo e a súa oferta.
Tema:
Ensinanza:
Colectivo:
Sección:
A Resolución do 6 de xuño de 2014, da Dirección Xeral de Educación, Formación Profesional e Innovación Educativa, pola que se convoca a selección de plans de formación permanente do profesorado que se van implantar en centros educativos públicos dependentes da Consellería de Cultura, Educación e Ordenación Universitaria no curso 2014/15 recolle, no apartado 4, que os plans presentados terán unha planificación mínima de dous cursos escolares e máxima de catro, e, no apartado 14.3, que a Comisión de Selección e Avaliación examinará o informe externo xunto coa memoria anual de cada plan e realizará a avaliación final para os efectos de validar a súa continuidade.
Reunida a citada comisión, e revisada a documentación indicada dos centros educativos para a continuidade dos plans de formación durante o curso 2015/16, cómpre publicar a resolución dos centros educativos seleccionados para a súa continuidade.
Departamento:
Colectivo:
Sección:
Xúntase a Orde do 4 de xuño de 2015 pola que se convocan licenzas por formación para o curso 2015/16 destinadas ao funcionariado docente non universitario e se aproban as bases de concesión (código ED305B).
Persoal docente que pertenza aos corpos que imparten ensinanzas das establecidas na LOE, destinado durante o curso académico 2015/16 en centros educativos públicos e nos servizos provinciais de Inspección educativa dependentes da Comunidade Autónoma de Galicia, de acordo coa seguinte prelación:
a) Persoal docente funcionario de carreira que non gozou de licenza por formación nos últimos dous cursos (2013/14 e 2014/15).
b) Persoal docente funcionario de carreira que gozou de licenza por formación nos últimos dous cursos (2013/14 e 2014/15).
c) Persoal interino.
As persoas candidatas á licenza por formación deberán reunir os seguintes requisitos:
Para estes efectos entenderase como profesor interino unicamente aquelas persoas que teñan nomeamento como tales ata o remate do curso académico correspondente.
Convócanse seis modalidades de licenzas por formación, todas elas retribuídas, por un período total de 500 meses, de acordo coa seguinte temática e distribución:
1. Proxectos individuais para a creación de materiais curriculares dixitais para educación primaria e secundaria e atención á diversidade nestes niveis.
Duración: de 1 a 3 meses, segundo a valoración do proxecto presentado (entre o 15 de setembro de 2015 e o 30 de xuño de 2016).
Meses convocados: 80
2. Grupos de traballo de 2 ou 3 membros para a creación de materiais curriculares dixitais para educación primaria e secundaria e atención á diversidade nestes niveis.
Duración: de 1 a 3 meses, segundo a valoración do proxecto presentado (entre o 15 de setembro de 2015 e o 30 de xuño de 2016).
Meses convocados: 80
3. Proxectos individuais para a elaboración ou adaptación de materiais curriculares plurilingües para as ensinanzas de formación profesional.
Esta modalidade terá as seguintes submodalidades:
Duración: de 1 a 3 meses, segundo a valoración do proxecto presentado (entre o 15 de setembro de 2015 e o 30 de xuño de 2016).
Meses convocados: Submodalide 3.a: 24. Submodalidade 3.b: 6.
4. Grupos de traballo de 2 ou 3 membros para a elaboración ou adaptación de materiais curriculares plurilingües para as ensinanzas de formación profesional.
Duración: de 1 a 3 meses, segundo a valoración do proxecto presentado (entre o 15 de setembro de 2015 e o 30 de xuño de 2016).
Meses convocados: 70
5. Grupos de traballo de 2 ou 3 membros para a creación de cursos non presenciais para a formación do profesorado.
Duración de 1 a 3 meses (entre o 15 de setembro e o 31 de decembro de 2015)
Meses convocados: 40
6. Perfeccionamento en linguas estranxeiras no exterior.
Dirixida preferentemente ao profesorado non especialista de ensino primario e secundario e formación profesional para promover dun xeito prioritario a creación ou a continuación do programa de seccións bilingües e/ou de centros plurilingües.
Duración: mínima de 1 mes e máxima de 3 meses (do 15 de setembro de 2015 ao 31 de agosto de 2016).
Meses convocados: 200
Solicitude segundo o modelo do anexo II da convocatoria.
Proxecto de estudos ou de traballo de investigación que se pretenda realizar durante o período da licenza, segundo o contido do anexo IV.
A demais documentación específica para cada modalidade requirida na convocatoria.
Relación numerada e asinada da documentación presentada.
Mail: licenzas.fprofe@edu.xunta.es
Tl.: 881 99 76 35 / 981 54 65 15
File:
Tema:
Departamento:
Colectivo:
Sección:
Xúntase a Orde do 28 de maio de 2015 pola que se convocan os premios extraordinarios de bacharelato correspondentes ao curso 2014/15.
File:
Tema:
Ensinanza:
Sección:
Este portal pretende explicar contidos clave da LOMCE:
Website:
Tema:
Colectivo:
Sección:
Trátase dunha das vinte e cinco exposicións enREDadas que se realizan simultaneamente en varias cidades do mundo. Nesta trátase o tema da doazón e transplante de órganos na que expóñense obras de catorce docentes-artistas de diferentes lugares e vinte e catro alumnos e alumnas do CEIP de Sestelo- Baión e que forma parte das actividades realizadas polo IES San Clemente na súa participación no programa educativo Salvavidas do Plan Proxecta.
Esta exposición conta co patrocinio da UNESCO e da Oficina de Coordinación de Transplantes do SERGAS.
Pódese visitar ata finais de xuño, de luns a venres, de 9:00 a 14:30 e de 16:00 a 23:00.
Máis información no enlace proporcionado.
Tema:
Colectivo:
Sección:
O profesor e escritor Miguel Ángel Vidal crea xogos que buscan acercar as matemáticas aos estudantes dun xeito ameno, divertido e pouco convencional.
Esta actividade realízase no MUNCYT (Museo Nacional de Ciencia e Tecnoloxía) da Coruña o domingo 7 de xuño de 2015 ás 12:30 da mañá.
A entrada é libre ata completar o aforo e está destinada a calquera tipo de público.
Website:
Tema:
Colectivo:
Sección:
Estas xornadas están organizadas pola Unión Romaní desde a súa área de educación e financiadas polo Ministerio de Sanidade, Servizos Sociais e Igualdade.
Destinatarios: profesionais e estudantes do ámbito educativo e social
Terán lugar na Facultade de Ciencias da Educación (Aula 12), Campus Norte, Avenida Xoan XXIII, s/n, 15782, Santiago de Compostela, A Coruña; os días 16, 17 e 18 de xuño de 2015.
A inscrición pódese realizar no enlace: http: //tinyurl.com/jfpae-Santiago2015 ata o 10 de xuño.
Máis información no arquivo anexo das Xornadas.
File:
Colectivo:
Sección:
O próximo martes 9 de xuño de 2015 de 10 h a 14 h no Salón de Actos da Consellería de Sanidade (San Lázaro, Santiago de Compostela), terá lugar esta xornada.
O obxectivo é proporcionar aos asistentes estratexias, consellos e ferramentas para previr o problema do consumo de sustancias aditivas e promover un ocio saudable entre a mocidade.
As persoas interesadas pódense inscribir no mail: maria.jose.garcia.castro@sergas.es ou chamando ao teléfono 881 541 859, xa que as prazas son limitadas.
Pódese descargar o programa da xornada no arquivo anexo.
File:
Colectivo:
Sección:
