ue é Ponte… nas Ondas?

Que é?

A orixe

A evolución

Innovación Constante

Un tema común

As colaboracións

Recoñecementos

Así o facemos

CONCURSO ARRITMAR

A EOI de Santiago de Compostela coa axuda da Secretaría Xeral de Política Lingüística (SXPL) acaba de presentar PLAY ARI[T]MAR, unha aplicación web que reúne músicas e poemas galegos e portugueses que 
foron galardoados ou finalistaS nas diferentes edicións aRi[t]mar que  se levan convocado desde 2016. As obras atópanse principalmente en Forma de vídeos musicais e videopoemas, aínda que a plataforma tamén conta con versións escritas das poesías e letras de cancións e  outro material  complementario. https://www.lingua.gal/o-galego/promovelo/recursos?content=/Portal-Lingua/Contido/recursos/promovelo/contido_826.html.

 - A COVA OS LIBROS FANTÁSTICOS NO PAZO DA CULTURA:

Como moitas de vós xa sabedes, o Concello de Pontevedra acaba de abrir un novo espazo para as familias:  A Cova dos Libros Fantásticos. 

 A Cova ofrece máis de 3.000 títulos de literatura infantil e xuvenil e está na sala de obradoiros do Pazo da Cultura, no andar baixo. Abre os luns e os xoves de 17 a 20 horas e os sábados de 10.30 a 13.30 horas.  A entrada é de balde pero será preciso facerse socio ou socia para poder levar libros emprestados para casa e para coñecer a programación e as novidades que vai a ir ofertando ese espazo. Abrirá todo o Nadal, agás na primeira semana de xaneiro. 

Ademais, a partir de agora A Cova dos Libros Fantásticos será tamén un espazo de encontro e actividades para o programa Apego en Pontevedra. (Xa vistes no programa deste outono que as actividades de interior son alí). Esperamos compartir con vós moitas horas de aprendizaxe e lecer desde o apego pola nosa lingua.

Tres rúas para tres mulleres

O sábado 5 de Novembro, o Concello de Pontevedra organizou un acto para celebrar a inauguración de tres novas rúas da vila; esta rúas reciben nome de muller coa fin de visibilizar as súas figuras históricas e o seu perfil de pioneiras, loitadoras pola igualdade ou mesmo represaliadas e perseguidas: Vasquida García (menciñeira acusada de bruxaría no século XVI), Dolores Trabado (pioneira da condución) e Ernestina Otero (profesora represaliada).

O acto consistiu nunha intervención do Sr. Alcalde de Pontevedra, nas intervencións dos familiares das homenaxeadas e unha dramatización arredor das historias destas, protagonizadas por un marabilloso trío de alumnas de 1º de bacharelato: María Araujo no papel de Vasquida García, Carmen Fernández-Arruti no papel de Dolores Trabado e Cristina Gómez no papel de Ernestina Otero, dirixidas por Tero Rodríguez que soubo sacar as mellores cualidades interpretativas das mozas. Acompañou o acto a Banda de saxofóns de Redondela, mozos e mozas que coa súa directora puxeron broche de ouro musical á esta posta en escea.

A interpretación das rapazas foi entrañable, emotiva e mesmo espectacular pois nos impresionaron coas súas dotes dramáticas sendo tan novas e sen experiencia; as súas voces foron quen de conmover aos asistentes talmente como se estiveramos escoitando ás donas protagonistas da homenaxe.

Amosaron ser xoves profesionais e responsables dos seus papeis polo que recibiron felicitacións do Sr. Alcalde (que tivo unha fermosas palabras para elas e para o instituto), a Sra. Concelleira de Cultura, dos familiares das donas protagonistas das rúas (que quixeron fotografarse coas mozas, “a súa avoa” como ben dixo o neto de Ernestina) e de todos os asistentes.

Parabéns para elas, as alumnas, que nos achegaron ás grandes mulleres que dan nome ás rúas de Pontevedra e que nos fixeron emocionarnos e sentírmonos ben orgullosas delas.

 

 

 

AQUÍ PODERÁS ACCEDER AO ÁLBUM

- OBRADOIRO DE REGUEIFA DÍA 14 CO RABELO E NURIA!!!!  (ACTIVIDADES SNL DE PONTEVEDRA)

- VISITA DE LEDICIA COSTAS DÍA 15(ACTIVIDADE COMPARTIDA CO DEPARTAMENTO DE CASTELÁN E COA BIBLIOTECA)

- DORES DÍA 16: VISIONADOE E COLOQUIO  COA DIRECTORA DO DOCUMENTAL, CORAL PIÑEIRO  (ACTIVIDADES SNL DE PONTEVEDRA). Aquí podedes ver o tráiler.  Tamén vos deixamos outros proxectos dela moi interesantes como INFINITAS 8M

V Premios Internacionais de Podcasts Xosé Mosquera Pérez “O vello dos contos"

Tedes as bases colgadas, trátase dunha iniciativa de podcast que promocione ao autor das Letras Galegas 2022 que é FRANCISCO FERNÁNDEZ DEL RIEGO, ou que promocionen algún tema de interese para a lingua e para a cultura. Iremos comlementando a información.