A poeta Tamara Andrés visitounos o 16 de marzo para realizar un obradoiro de poesía sobre o seu libro "Irmá paxaro" con 4º ESO e o alumnado do Club de Lectura de 1º bach. O libro reflexiona sobre o antes e o despois dunha relación entre dúas irmás que compartiron experiencias na infancia e que pouco a pouco van ficando á intemperie.
Máis tarde, a escritora realizou un roteiro literario sobre a súa obra 2peixiño desnortado" co alumnado de 4º ESO. "Peixiño desnortado" conta a experiencia de Eume, unha nena que fai o mercado semanal co seu pai. A rapaza ten que facer un mandado e percorre a parte baixa da zona monumental de Pontevedra. A mirada de Eume describe a vida cotiá. A través do seu maxín, coñece a persoeiros do pasado e do presente que teñen a súa pegada particular nas rúas e prazas do casco histórico.
Pica no álbum para ver as fotos
