O alumnado de 1º bacharelato D visitou as instalacións de Finca Mouriscade (Lalín) acompañado pola profesora de Economía Rosa Domínguez Laredo e o profesor de Xeografía e Historia, Juan M. Álvarez Guillán.
Finca Mouriscade é un centro cun terreo e un laboratorio dedicado a analizar forraxes, pensos e materias primas destinadas á alimentación animal, identificar xermes e antibiogramas en mostras de leite e a analizar augas destinadas tanto a consumo humano como animal, ademais de desenvolver o Programa de mellora xenética nas explotacións da provincia mediante o servizo de transferencia embrionaria.
Finca Mouriscade mantén unha estreita relación coas empresas e cooperativas do sector agropecuario e desenvolve proxectos de colaboración tanto con entidades públicas como privadas.
Pica na foto para ver o álbum
