O 13 de novembro de 2002 o capitán do Prestige escoitou un forte golpe, como unha explosión, e notou como o barco comezaba a escorar rapidamente á vez que observaba a saída do fuel polos zapóns da cuberta. Unha vía de auga afectaba a dous tanques de lastre de estribor. Temendo que o barco afundise, solicitou ás 15.15 horas a axuda dos servizos de rescate españois, agardando poder refuxiarse nun porto.
Así comezou unha longa tempada na que Galicia viviu un dos peores momentos da súa historia.
O noso alumnado do Club Contra o Cambio Climático quixo lembrar este día entregando uns folletos á entrada do instituto para concienciar aos seus compañeiros de que non debemos esquecer, que debemos ter sempre presente este pesadelo para que non volva suceder.
Pica na foto para ver o álbum
