O mércores 16 de febreiro recibimos por correo ordinario a noticia de que lle fora concedida a Placa de Honra da Orde de Alfonso X, o Sabio ao IES Sánchez Cantón pola súa traxectoria desde o ano da súa creación en 1845.
Queremos compartir este galardón con toda a comunidade educativa que participou da vida neste centro, lembrando con afecto a todo aquel alumnado, profesorado e persoal de administración e servizos, que durante estes 177 anos traballaron en prol dunha educación pública de calidade para moitas xeracións de pontevedreses e pontevedresas.
