Skip to Content

Benvidos ao IES Sánchez Cantón

Dom, 03/26/2023 - 16:54 — Anónimo

IES Sánchez Cantón

        ies.sanchez.canton@edu.xunta.gal 

Fiadeiros

Mér, 11/20/2024 - 07:56 — veromar

A semana pasada, alumnos e alumnas de 2º bacharelato D, Literatura galega do século XX e do Comité de Igualdade, pudieron gozar de dous Fiadeiros favorecidos polo SNL do Concello de Pontevedra, cos creadores e divulgadores de contido na rede en galego: Mario Brión, Laura Veiga e Nuria Toxío.

- Fiadeiro 2, impartido por Mario Brión @olaxonmario e Laura Veiga @pingando.gal 

Ligazón a Mario Brión Fiadeiros

 - Fiadeiro 2 impartido por Laura Veiga @pingando.gal e Nuria @Toxío

Ligazón a Fiadeiros Laura Veiga 

 

Visitando os xulgados

Mar, 11/19/2024 - 19:59 — veromar

O pasado venres 15 de novembro, o grupo de 2º Bacharelato D, acompañado polas súas profesoras Conchi Díaz e Cristina González, puido comprobar o funcionamento real da xustiza, grazas á amabilidade do xuíz Miguel Aramburu.

Presenciaron varios xuizos nos que as testemuñas "teñen" a obriga de dicir a verdade, pero logo comprobamos que a verdade ten diferentes caras...

Foi unha xornada longa, que rematou ás 14:30 horas, durante a que o alumnado "aprendeu moitas cousas". Para algúns, como Jaime González, foi unha actividade entretida, orixinal, didáctica e especialmente útil para os que estean pensando en estudar dereito ou algo relacionado.  
Grazas ao xuíz Miguel Aramburu pola súa atención, amabilidade e paciencia.

Pica na foto para ver o álbum

Álbum: Curso 24/25 -> Visitando os xulgados

Pedro Volta, padriño da xeración 2024

Dom, 11/17/2024 - 20:33 — veromar

O pasado xoves 7 de novembro, recibimos no instituto ao padriño da promoción de 2024. Pedro Volta, mago, ilusionista e exalumno deste centro, accedeu desde o primeiro momento a apadriñar a esta xeración noviña que acaba de aterrizar no Sánchez Cantón e que permanecerá con nós ata dentro de 6 anos. 

O artista veu revestido de enerxía máxica para transmitir aos rapaces e rapazas unha mensaxe: que crean e loiten polas súas ilusións. Segundo el mesmo manifestou, a etapa do instituto foi maravillosa para el, pois a desfrutou con intensidade. Tamén confesou, que no paraninfo deste centro, organizou o seu primeiro espectáculo de maxia e que despois, xa nunca abandonaría o camiño comezado.

 Só podemos dar as grazas a este enorme artista que regala ilusións, reivindicando un mundo cheo de maxia.

 

O dragón de ouro, por Sarabela Teatro

Dom, 11/17/2024 - 10:59 — veromar

O alumnado de 1º bacharelato asistiu o xoves 7 de novembro á representación da obra teatral "O dragón de Ouro" da compañía Sarabela Teatro.

A representación desenvólvese durante unha noite nun edificio de varios pisos, nalgún lugar de Europa: un mozo chinés sofre unha forte dor de moa na cociña do restaurante de comida rápida Tailandés-Chinés-Vietnamita, O Dragón de ouro. Non ten permiso de residencia, nin cartos e non pode ir ao dentista. Os compañeiros deciden arrincarlla. Ademais, o mozo tampouco atopa a súa irmá desaparecida. No edificio viven moitos veciños que comparten diferentes historias. 

Pica na foto para ver o álbum

Álbum: Curso 24/25 -> O dragón de ouro

Charla sobre neurodiversidade

Mar, 11/12/2024 - 19:01 — crblanco

O venres 8 de Novembro na hora de Titoría, o alumnado de 4º da ESO, asistiu no Paraninfo a unha Charla sobre Neurodiversidade, organizada polo Departamento de Orientación.


A ponente Sara Dios, psicóloga do Colexio de Educación Especial Juan XXIII, veu acompañada de Chema e Natalia, usuarios dos Talleres Ocupacionais da Asociación, para presentarnos o Programa "Eu = ca Ti", que versa acerca da Sensibilización Educativa sobre a Discapacidade.


Quedou patente que a actividade foi un rotundo éxito e así o demostra, o longo e caluroso aplauso co que todos nós, despedimos aos participantes da Charla, pola súa loable actuación.

Álbum: Curso 24/25 -> Charla sobre Neurodiversidade

Saída de outono ao río Gafos

Ven, 11/08/2024 - 11:52 — veromar

O pasado martes 5 de novembro, o alumnado do Club Contra o Cambio Climático realizou unha saída polo río Gafos para coñecer de perto a fauna e flora que habita neste ecosistema. Os rapaces e rapazas estiveron acompañados polas profesoras Bea Trillo e Paula Calvo.

Queda aquí unha pequena mostra do que aprenderon.

Pica na foto para ver o álbum

Álbum: Curso 24/25 -> Proxecto Ríos 2025

Na Residencia cos avós

Mér, 11/06/2024 - 18:34 — veromar

Un bonito intercambio de experiencias vitais e historias entre o alumnado de Proxecto Competencial de 3º ESO C e D, as profes e un grupo de avós e avoas da Residencia da Terceira Idade de Campolongo.

Difícil esquecernos dalgúns,  como Lía que con 97 anos ten una enerxía vital admirable.

Grazas ao persoal da Residencia e ao director da mesma.

Ligazón á publicación de A Voz de Galicia

 Pica na foto para ver o álbum

Álbum: Curso 24/25 -> Na Residencia cos avós

Resucita a túa palabra

Mér, 11/06/2024 - 10:39 — veromar

RESUCITA A TÚA PALABRA, é unha actividade para reflexionar sobre a morte de palabras no noso idioma. co apoio da caveira dun *Ollo de vidro. MEMORIAS DUN ESQUELETE* de Castelao. Esta instalación é froito da colaboración entre o Departamento de Lingua Galega e o de Educación Plástica. A música forma parte do Túnel do Terror do ciclo de animación deportiva. 
As palabras están nos seus nichos á espera de seren resucitadas. Todos temos a responsabilidade de non deixalas morrer.
As palabras de Manuel Rivas e o poema de Bernardo Atxaga *Morte e vida das palabras* ilustran a nosa exposición.

Ligazón á reel instagram

Ligazón á reel instagram Resucita a túa palabra

 

Onda Sánchez

Mér, 11/06/2024 - 10:31 — veromar

Botamos a andar a nosa radio Onda Sánchez do mellor xeito posible, con dúas das nosas alumnas do EDLG e CI, Agustina e Sofía, preparándose con Eva Mejuto para entrevistar a diferentes persoeiros do cinema, nada menos que nos Feroz!!!

Pica na foto para ver o álbum

Álbum: Curso 24/25 -> Onda Sánchez
Distribuir contido


by Dr. Radut