Unha vez máis neste curso,  as profesoras Carmen Mato e Sol Seoane programan unha saída do alumnado dos dous cursos do Ciclo Superior de Xestión de Vendas e Espazos Comerciais, para coñecer, de primeira man, empresas punteiras perto de nos. 

O xoves 18 de xaneiro, durante toda a mañá, o alumnado terá ocasión de visitar as instalacións en Lugo de Perfumerías Arenal e as liñas de impresión do diario El Progreso de Lugo.

Agardamos, como vén sendo habitual neste curso, a súa crónica da visita. 

El día viernes 15 de diciembre los alumnos cursantes de primer año del ciclo de gestión de ventas y espacios comerciales acudimos a una visita en las instalaciones logísticas de Pull&Bear en Narón. 
La visita tuvo una duración aproximada de 2 horas, recorrimos la nave industrial donde reciben y distribuyen toda la ropa; cabe destacar que en esta etapa fuimos guiados por Isabel.

Nos explicó el funcionamiento del proceso de expedición de los pedidos, los tiempos y métodos de entrega, así como también las pruebas químicas que se le realizan a las prendas antes de distribuirlas que realizada por ella misma. Seguidamente nos trasladamos a otro sector donde otro compañero de trabajo llamado Alberto, nos guio por la zona de diseño y escaparatismo de la tienda junto con las nuevas colecciones. Posteriormente recorrimos las secciones donde se encuentran el personal de e-commerce, el de diseño, el de arquitectura y finalmente el estudio de fotografía. 
Para concluir la visitamos la sala donde hacen las reuniones de las juntas con los directores generales y nos obsequiaron un pequeño pero bonito llabvero. 
Agradecemos mucho toda la colaboración por parte del equipo de Pull&Bear.

Carlos Enriquez

O pasado mércores 13 de decembro, os alumnos do Ciclo Superior de Xestión de Vendas e Espazos Comerciais, coñeceron de primeira man as claves do éxito da marca “Bico de Xeado”.

Nunha completa xornada, e tendo como guía, nada menos que a don  José María Calo, presidente da Cooperativa Provincial de A Coruña,  visitaron as instalacións da Granxa O Cancelo en Miño, e o obrador no polígono industrial de Bergondo.

Os alumnos e profesores, percorreron todas as instalación recibiron explicación de todo o proceso de fabricación do  xeado,  e   tiveron a oportunidade de catar 3 novos sabores  que a firma ten pensado sacar ó mercado en breve: mel, castaña e mango.  Ademais, probaron en primicia, o turrón de chocolate,  que dende este Nadal incorpórase ó surtido de productos que Bico de Xeado ofrece nos seus puntos de venda, presentes xa en 22 provincias.

Despois de coñecer de cerca esta empresa, non nos estraña o seu éxito, que tal como nos explicou tanto José María Calo, como Jesús Otero, xerente da firma, basease en dous pilares fundamentais: a calidade da materia prima e valor do seu capital humano.

Noraboa, e moitas grazas.

Crónica de Sol Seoane

O mércores 13 de decembro o alumnado do Ciclo Superior de Xestión de Vendas e Espazos Comerciais segue co seu percorrer por empresas punteiras e referentes da comarca. Nesta ocasión coñecendo a Granxa  "O Cancelo" e a fábrica  de "Bico de Xeado" que se surte da súa materia prima, un leite da mellor calidade. 

En 2016 e 2017, a Unión Europea, a través do Fondo Europeo Agrícola de Desenvolvemento Rural (Feader), apoiou a realización dun proxecto de empresa consistente en melloras tecnolóxicas en obrador de xelados. Con este proxecto a empresa pretendía mellorar a súa capacidade productiva e a súa competitividade.

Hai que pedir, nun día como o que elixiron, que Santa Lucía lles conserve a  vista elexindo empresas ( e máis se lles dan a probar).

Agardamos a súa crónica!

Os alumnos do Ciclo Superior de Xestión de Vendas e Espazos Comerciais, visitamos o pasado día 21, as instalacións da fábrica de patacas fritas "Bonilla a la vista" situada no polígono industrial de Sabón.

Ó longo da visita, puidemos ver as diferentes instalación cas que conta a empresa, e os procesos polos que pasan as patacas dende que chegan ó almacén de materias primas, ata o o seu emvasado e etiquetado para ser enviadas ós puntos de venda. Ademais, o responsable da planta de producción, agasallounos con unha mochila chea de productos da marca. 

A visita á empresa de publicidade BAP&CONDE  completou unha mañá máis que productiva para a nosa formación. 

Próximamente, o 13 de decembro, coñeceremos en profundidade unha orixinal ( e deliciosa) empresa da nosa contorna, "Bico de xeado", incluindo tamén a súa granxa de O Cancelo.

Xa contaremos

VISITA A LA VIIIIISTAAAA !

Que comparten unha empresa de publicidade e a que elabora unhas das mellores patacas fritidas do mundo mundial....?

Aparentemente pouco pero o certo é que ambas van ser visitadas polos alumnos e alumnas do Ciclo Superior de Xestión de Vendas e Espazos Comerciais do noso instituto. Será o martes 21 de novembro.

Un ano máis, a formación do noso ciclo complétase coa visita a empresas punteiras de tódos os ámbitos.

Bap acadou o 1º premio nacional nos Premios Eficacia 2017. Acaba de elaborar o spot "Global Muiñeira" da serie Vivamos como Galegos para Gadis....

Bonilla a la vista .... desde 1932! Tres xeneracións na hostelería. Mira que non terán fritido patacas e churros dende aquela! E alegrado tardes e conversas cos seus produtos.

Agardamos que os nosos alumnos aprendan moito distas visitas....e fagan deles emprendedores do futuro de Galicia. 

imaxes de muxotepotolobat

O martes 30 de maio promete ser un día intenso e interesante no Aguiar. Por iniciativa e coa coordinación de Francisco Martínez Hidalgo, Profesor do noso ciclo na asignatura de Políticas de Marketing e Titor  do 1º curso, realizarase no Aguiar o Iº Festival dos Abrazos

Tres equipos de cinco alumnos,  cada un identificado cunha cor :Blanca, verde e vermella

En cada equipo tres funcións:

Abrazadores/as (2 persoas): reparten os abrazos ás persoas que llo pidan e poden moverse polos límites do Instituto, respectando os espazos privados e os tempos de docencia.

Promotores/as (2 persoas): con total mobilidade e liberdade, pero respectando os espazos privados e os tempos de docencia, anunciarán polo centro o desenvolvemento do Festival e as vantaxes dos seus abrazos respecto aos dos demais equipos.

Controlador/a (1 persoa): infiltrada nun dos demais equipos supervisará as súas accións e certificará que a competición transcorre con normalidade.

Un ano máis, desta volta o mércores 3 de maio,  o alumnado que cursa no Aguiar o  Ciclo Superior de Xestión de Vendas e  Espazos Comeciais, visitará as instalacións de GADISA que se atopan no betanceiro polígono de Piadela.

Estas visitas a empresas punteiras da nosa bisbarra (Inditex, Estrella Galicia, Pull&Bear, Feiraco, Corte Inglés...) forman parte moi importante do proxecto formativo do Ciclo Superior que se imparte no Aguiar.

Visita ao Corte Inglés de Santiago e a Bodega do Pazo Baión

O pasado día 23 os alumnos do Ciclo Superior de Xestión de Vendas e Espazos Comerciáis visitamos o Corte Inglés de Santiago de Compostela e a Bodega de Pazo Baión, en Vilanova de Arousa.

Chegamos ao Corte Inglés de Santiago en torno ás10 de maña e alí recibiunos Agustín, responsable de Hipercor, que moi amablemente nos mostrou e explicou o funcionamento do hipermercado, así como as técnicas que utilizan para distribuír e repoñer os produtos na tenda. A continuación outro traballador da empresa, Orlando, ensinounos o centro de recepción de mercancías, onde reciben todos os produtos e os distribúen a cada sección da tenda. 

Logo da visita, e da protocolaria foto, tivemos tempo libre para xantar. Ás 3 en punto partimos da cidade Compostelá rumbo as Rías Baixas.

No fermosísimo Pazo de Baión, en Vilanova de Arousa, agardábanos Alicia, que nos contou brevemente a historia do pazo e o proxecto que as bodegas Conde de Albarei viñan desenrolando dende 2008 no mesmo. Camiñando baixo parras e entre depósitos de viño escoitabamos atentos como paso a paso se consigue un albariño de calidade, pero como non so bastan as palabras ao finalizar a visita tivemos a oportunidade de degustar unha copiña do devandito viño, facendose así realidade nos nosos padais todos eses sabores e aromas dos que antes nos falaran.

Xa para rematar deixamos constancia gráfica da nosa visita, e tomamos o camiño de volta a Betanzos, iso si amodiño, que co viño xa se sabe…

PABLO VILLAVERDE BASTEIRO