O espazo fotográfico, o espazo que mostra unha fotografía é unha construción particular a partir dun espazo real. Neste sentido, podemos pensar en certa medida nos fotógrafos como arquitectos, como construtores de espazos. Son as eleccións fotográficas as que constrúen un determinado espazo na fotografía: o encadre, a distancia, o ángulo, a profundidade constrúen unha determinada configuración do espazo. As fotografías de espazos teñen unha gran potencia evocadora e un gran valor fotográfico. De feito, hai unha extensa tradición fotográfica vinculada Aos espazos como protagonistas da fotografía, capturándoos xustamente sen presenza humana.
A luz é esencial na fotografía; de feito, a mesma palabra “fotografía" proven da palabra luz: o que a luz debuxa. Polo tanto, sempre hai luz: pero ás veces, a luz non só está, senón que se fai visible. Sexa porque un feixe de luz entra e ocupa o espazo, sexa polo xogo de luces e sombras, sexa porque a súa coloración nunha determinada hora do día tingue dun ton todo o espazo, etc.
As imaxes que forman parte desta exposición constitúen un resume da investigación levada a cabo polo alumnado de 3º ESO sobre a construción do espazo con atención á luz e a como esta se relaciona co espazo e o transforma.
IMPORTANTE INFORMACIÓN RELATIVA Á MODIFICACIÓN NO HORARIO DE SAÍDA PROBAS ABAU: 7:30 HORAS
A Empresa Gilsanz (á que agradecemos o servizo gratuito de transporte ao Campus da Coruña) comunica que o horario de saída da Avenida da Coruña (diante do Instituto) será ás 7:30 horas. Esta é a única maneira que lle permite poder compatibilizar esta viaxe a Coruña cos seus servizos de transporte.
Na linguaxe cotiá dicimos “retratar” para referirnos simplemente ao acto de facer unha fotografía na que sae unha persoa. A miúdo a intencionalidade é rexistrar un momento concreto ou que esta persoa saia “guapa”. Nada máis lonxe do que fan os fotógrafos cando encaran un retrato. Facer un retrato significa observar a persoa, reflexionar, interrogarse sobre que queremos mostrar como fotógrafos e como o mostraremos. Un retrato constrúese, é dicir, o fotógrafo elixe que quere mostrar e como facelo: elixe o espazo, dispón ao retratado, dálle indicacións, estuda o rostro, as expresións, a mirada, a relación entre a luz e o rostro, etc.
«Entre o retratado e o fotógrafo hai un combate. E ese combate, para que a foto sexa boa, ten que gañala o fotógrafo e non o retratado, porque é evidente que o retratado asume un rol, unha pose de como lie gustaría aparecer. Dalgunha maneira, se auto-representa, ponse gracioso, sorrí... pero iso non ten nada que ver coa súa personalidade interior, que é o que buscamos nós cando facemos un retrato» (Humberto Rivas).
Para Richard Avendon, «A primeira parte da sesión é un proceso de aprendizaxe para a persoa a quen retrato e para min. Teño que dicidir a colocación da cámara, a distancia adecuada do personaxe, a distribución do espazo ao redor da figura e a altura do obxectivo. Mentres, observo como se move, como reacciona, que expresións crúzanlle o rostro. Deste xeito, no momento de crear o retrato, dándolle indicacións podo incrementar unhas características naturais, a súa maneira de ser.» (Richard Avedon sobre o traballo en “In the American West”, retratando persoas que coñecía no mom ento da sesión fotográfica).
No marco das actividades do grupo de mediación escolar, 21 alumnos e alumnas de ESO, dos curso de 1º, 2º e 4º de ESO, visitarán o Parlamento da Galiza.
Chegamos cansos ao final do camiño, por iso convén atopar momentos de reparación da man das lecturas: unha antoloxía de microrrelatos e unha historia de Fran Alonso.
Tras a avaliación final ordinaria da ESO (extraordinaria de Bac) e a entrega de notas, unha vez coñecidos os resultados académicos obtidos no curso 2023/2024, comezará o período de Matrícula para todo o alumnado, promocione ou non.
Unha vez realizada a matrícula, só en circunstancias excepcionais e por causas totalmente xustificadas, poderá ser solicitada algunha modificación nas materias escollidas. Estas solicitudes serán estudadas e resoltas pola Dirección do centro.
A impartición das materias elixidas está condicionada a que haxa un mínimo de alumnado (5 para materias troncais e 10 para optativas) e ás posibilidades organizativas do Centro.
Para a adxudicación de optativas terase en conta, ademais da continuidade de estudos ou posibles incompatibilidades por materias cursadas anteriormente, a nota media do curso anterior e comezando polas matrículas entregadas en tempo e forma..
Para a sección bilingüe, serán as cualificacións obtidas en inglés e nas materias propias da sección.
O alumnado e as familias poderán consultar calquera dúbida, sobre a elección de materias optativas e itinerarios, ao Departamento de Orientación, á Xefatura de Estudos ou á Dirección do centro.
Acto de entrega da VII Olimpiada de Traducción de Textos Clásicos en Griego. USC.
Durante a entrega deste segundo premio a Sofía Veiga García, o presidente da SEEC Galicia recordou o mérito da nosa (literalmente) laureada alumna por ter quedado en segundo lugar no Concurso Nacional Parnaso.
Parabéns de novo a Sofía e ao seu mentor, o profesor de Grego Francisco Calaza.
Os alumnos de 2º BAC, Daniela Marcos Otero, Brais Cano Fariñas e Sofía Veiga García veñen de recibir o recoñecemento de Mellores Expedientes USC por vir de obter unha cualificación igual ou superior a 9 na parte obrigatoria da ABAU.
Este é un premio ao esforzo dos alumnos e un motivo de satisfacción para as súas familias e, por que non decilo, para os docentes que lles impartiron clase tamén nas anteriores etapas ao bacharelato: Daniela e Brais, no CPI Cruz do Sar de Bergondo, e Sofía, no IES Francisco Aguiar.
Brais desexa estudar Enxeñaría Aeronáutica e do espazo en Ourense.
.png)
