Skip to Content

Blog de TIC

Aprendo Programando modelado 3D con Tinkercad Codeblocks

Mér, 14/04/2021 - 20:47 — Pitusa

Dentro do Plan Proxecta Aprendo Programando Xacobeo 2021 decidimos abandonar un chisco a linguaxe Scratch e explorar outros tipos de linguaxes de programación por bloques. Así modelamos en 3D programando con bloques uns chaveiros personalizados para poder identificar as nosas mochilas cando podamos facer o Camiño de Santiago. Tamén algúns modelaron ou seguiron o modelo da profe para facer un Pelegrín que podedes imprimir en 3D se buscades en Thingiverse o modelo ligado aquí.

Álbum: Curso 2020-2021 -> Aprendo Programando 3D codeblocks

Prácticas modelado 3D Blender TIC 1º BAC

Sáb, 20/03/2021 - 22:35 — Pitusa

A falta de la práctica final, estas son algunas de las pequeñas creaciones que nosticsbeta sirvieron para aprender y modelar en 3D con el programa de software libre Blender. 

Álbum: Curso 2020-2021 -> Prácticas Modelado 3D TICI1ºBAC

Meteosimboloxía en debuxo vectorial con Inkscape, deseño de símbolos meteorolóxicos co alumnado de TIC de 4º da ESO

Sáb, 20/02/2021 - 20:57 — Pitusa

Este curso en TIC de 4º ESO sumámonos ao proxecto ''Meteoescolas'' e deseñamos os nosos conxuntos de símbolos metereolóxicos para ilustrar o tempo no mapa de Galicia.  

Empregamos para as nosas propostas de ''Meteosímbolos'' o software libre de debuxo vectorial ''Inkscape''.

Animarémonos a facer un noticiario metereolóxico coa nosa propia e particular simboloxía? Quén sabe, mentres tanto, facemos aquí público o noso traballo. Cál é o teu favorito?

ticsbeta

Álbum: Curso 2020-2021 -> Meteoescolas febreiro: Meteosímbolos

Aprendo Programando ''As etapas xeográficas do Camiño Francés a Santiago'' Xacobeo 2021 en 1º da ESO

Mér, 10/02/2021 - 13:19 — Pitusa

En Programación 1º da ESO seguimos aprendendo co Camiño de Santiago neste ano Xacobeo 2021 no que non temos máis remedio aínda de percorrer o camiño de xeito virtual.

Para que nos acompañedes e aprendades con nós, creamos uns videoxogos (está mal que a profe o diga pero, son espectaculares!!!) recollidos no estudo de Scratch ao que podedes acceder clicando na imaxe seguinte.

xogo km estudo scratch

Para xogar selecciona o xogo e preme a bandeira, desprázate coas frechas, recolle cousas positivas e esquiva as negativas que restan vidas. E, moi importante, disfruta das paisaxes e dos cambios que apreciarás nos diferentes tramos do Camiño.

Grazas a Julián Ferrer e ao departamento de Xeografía e Historia por axudarnos a programar esta viaxe!

Nota: se queredes escoitar ''miañar'' o que tedes que xogar é ao ''Gatoregrino'' de David ou o Xogo dos km de Óscar. Se queredes ver uns deseños xeniais, aparte dunha programación impecable, tedes que probar os xogos de Lucía, Judith ou Ángela. 

ticsbeta

 

Diálogos animados, avanzando na Programación e no Camiño. Plan Proxecta: Aprendo Programando Xacobeo 2021

Dom, 13/12/2020 - 00:14 — Pitusa
Seguimos a avanzar no manexo de Scratch, avanzamos creando diálogos animados. Compartimos convosco unha nova entrega da nosa viaxe facendo un 'Camiño Xacobeo 2021' virtual. Agardamos que vos gusten
                                                        
 Parabéns a Manuel C., David B.,  Lucía P., Judith S. e Paula V. de 1º da ESO polos seus traballos nesta 'aventura programada'

ticsbeta

Introducción á programación. A nosa primeira 'Paisaxe Animada' #Xacobeo2021 Plan Proxecta 'Aprendo Programando'

Mar, 24/11/2020 - 10:17 — Pitusa
Antes de comezar a facer un proxecto con máis información, toca comezar a manexar o noso programa. Compartimos convosco ás primeiras produccións do alumnado que son salientables pola súa imaxinación, o seu bó facer e o deseño dos fondos e persoaxes, moitas veces debuxadas 'a rato'. Sirvan estes 4 primeiros proxectos coma arranque dunha aventura programada dirección Xacobeo 2021.
 Parabéns a David B., Manuel C., Judith S. e Lucía P. de 1º da ESO polos seus traballos iniciais nesta 'aventura programada'

ticsbeta

#25N Día Internacional da Eliminación da Violencia contra a Muller. ODI de Victoria Santos sobre Violencia de Xénero Dixital

Xov, 19/11/2020 - 13:28 — Pitusa

Achegámovos un traballo realizado por Victoria S. de TIC II BAC sobre a Violencia de Xénero Dixital que nos pode axudar a traballar este tema nas aulas, agora que a data do Día Internacional da Eliminacón da Violencia contra a Muller, 25N, está tan próxima.

 

 ticsbeta

O RXPD (Reglamento Xeral de Protección de Datos), obxecto dixital interactivo de Iago M. para TIC II 2º BAC

Mar, 17/11/2020 - 13:00 — Pitusa

Seguimos recollendo e compartindo materiais elaborados polo alumnado de 2º BAC sobre diversos temas de seguridade informática e lexislación. Desta volta, Iago M. comparte con nós información actual sobre o RXPD e as súas implicacións a nivel escolar.

 

profeticsbeta@gmail.com

'Adición ás novas tecnoloxías' , ODI (obxecto dixital interactivo) elaborado por Laura de 2ºBAC TIC II

Ven, 13/11/2020 - 20:35 — Pitusa

Compartimos o primeiro dos ODI (obxectos dixitais interactivos) sobre aspectos relacionados coa seguridade informática e as novas tecnoloxías que elabora o alumnado de 2º BAC TIC II . 

Desta vez comezamos, da man de Laura G., cunha preocupación que cobra forza co paso dos anos, a adicción ás novas tecnoloxías, de cómo debemos buscar un uso adecuado e equilibrado das mesmas, e de cómo debemos estar vixiantes ante a aparición dos primeiros síntomas dun comportamento adictivo.

 

profeticsbeta@gmail.com

Galería de imaxes da participación de alumnado do Aguiar na Code Week EU 2020 (EU Schoolnet Academy)

Lun, 26/10/2020 - 11:49 — Pitusa

Remata unha semana intensa para o alumnado das materias relacionadas coas TIC e algunha máis. Do 19 ao 23 de outubro de 2020 realizamos un pequeno parón no currículo estándar para dedicarnos a actividades relacionadas coa programación informática. De feito, foron dúas as actividades que inscribimos na CodeWeekEU2020

 modelamos programando  realidad virtual

Preme nas imaxes para acceder á descripción das actividades.

Nesta galería podedes ver parte do traballo dos grupos de Programación 1º ESO (non inscritos na CodeWeek porque programamos todo o ano), os grupos de Tecnoloxía 2º ESO, TIC 4º ESO e TIC I 1º BAC modelando  e programando de menor a maior complexidade e 2º BAC TIC creando esceas virtuais interactivas.

Vai este álbum coma testigo desta intensa actividade da que aínda estou a recoller os seus froitos, ben imprimindo coa 3D ben revisando os outros traballos. Intentarase que recolla nestas semanas algunha mostra máis do torrente de creatividade desbordante que tén o noso alumnado.

Preme na imaxe para navegar coas frechas ou visita o álbum na galería fotográfica do centro.

ticsbeta

 

 

Álbum: Curso 2020-2021 -> #CodeWeekEU2020
Distribuir contido


by Dr. Radut