Na final a nivel de todo o Estado que se acaba de celebrar en Requena (Valencia), o noso alumno de primeiro de bacharelato levou medalla de ouro. Dámoslles unha vez máis os nosos sinceros parabéns a el, á súa familia, aos seus profesores e á Comunidade Educativa en xeral.

En Requena competiu con 76 alumnos de toda España, con idades comprendidas entre os 15 e os 18 anos. Agora pasan seis españois (dos cales dous son galegos) á fase internacional, que se celebrará en Cidade do Cabo (Suráfrica) no mes de Santiago. Desde aquí xa nos anticipamos a desexarlle a Gonzalo toda a sorte do mundo. Ánimo, Gonzalo, o Eusebio da Guarda está contigo, campión!

Seguramente recordaredes que hai uns días celebramos o nacemento de Rosalía de Castro cun Maratón de Lectura Solidario. Velaiquí algúns dos carteis que fixeron os alumnos para celebrar esa onomástica.

Este ano o tempo foinos propicio. As mañás eran frías pero ao longo do día atemperaba. As Tablas de Daimiel estaban cheíñas de auga; a luz da tarde, divina. Vimos bandadas abundantes de aves en formación, en uve. Toledo encantoulles. Madrid en domingo, un luxo de sol e xente tapeando; a Praza Maior co seu rastriño e as terrazas a rebordar, todo chamaba á vida. Moitos alumnos quedaron con ganas de estaren máis tempo no Prado. Outros quedamos con ganas de ver a entrada da Cova de Montesinos. O parque nacional das Lagoas de Ruidera promete ser espectacularmente fermoso. Dá gusto viaxar con xente tan boa coma a deste ano. Oxalá se porten igual de ben na Selectividade.

Parte I

Parte II

Para obter a revista fai clic sobre as imaxes.

Estase a organizar un maratón de lectura para o vindeiro 24 de febreiro. Toda a comunidade educativa está invitada a participar como lector ou ben coma oínte. Aquí vos poñemos a nota pubricada.

Seguiremos informando.