De pedra quedaron os membros do xurado cando veron esta tarta. Celebrábase o tradicional concurso de postres e tartas "Nadal 2011". E claro, gañaron un dos premios "gordos". Logo máis tarde o premio sería para todos: Saboreala e poder dicir "Xantei un bo trozo do meu Insti!"

Parabéns!!

EusebioTV, a aposta dun grupo de alumnos do Instituto, vén de cumprir unha cifra de visitas que nunca pensaron acadar: 10.000 e subindo. O extraordinario labor destes alumnos segue medrando día a día: Mesmo dan conta das súas novidades a través dunha conta en Twitter (@EusebioTV), que fan de reporteiros no acto de Homenaxe a Picasso e o editan e publican antes que os periódicos locais... Axiña poñerán á nosa disposición un novo traballo: "Por terra, mar e aire". Agardamos con ansia, rapaces!

O pasado catro de xullo do 2011 o diario El Mundo dedicou unha páxina a falar de nós:

"Estudiar en un museo con más de un siglo de historia"

O artigo retrata moi ben de onde vimos e cara a onde estamos a chegar. Gracias ao periódico por se lembrar de nós!

Coa asistencia do señor alcalde da Coruña e varios representantes da Asociación Pablo Ruiz Picasso de A Coruña, asemade os cargos directivos do instituto e varias ducias de profesores e amigos do centro, vimos de celebrar o pasado día 28 de decembro a descuberta dunha placa de homenaxe. O acto foi seguido polos principais medios de comunicación da cidade. Ademais, EusebioTV fixo un grande labor, ao filmar o acto e telo posto na rede o mesmo día. Tamén foi "retransmitido" a través do Twitter do IES @ieseusebio

Aquí van os enlaces do vídeo e das notas de prensa:

• Eusebio TV
• La Opinión de A Coruña: "La ciudad salda una deuda con Picasso"
• Radio Coruña: "Picasso tiene, por fin, una placa en el Eusebio da Guarda"
• El Ideal Gallego: "Negreira apostará en firme por el Picasso coruñés"
• La Voz de Galicia: "El Eusebio da Guarda honra a su alumno más universal"
• Publicadas en Twitter:
  • Foto 1
  • Foto 2
  • Foto 3
  • Foto 4

Cando haxa tempo engaderemos máis fotos do acto. Saúdos!

É unha grande ledicia comunicar que Gonzalo Cao Labora, alumno de 3º de ESO do noso instituto, ven de conseguir unha medalla de ouro na fase galega da Olimpiada Matemática.

E non só iso. A medalla a obtivo na categoría de BACHARELATO, o que indica a forte preparación do noso alumno que, ademais do seu esforzo e a axuda dos profesores, participa no programa ESTALMAT.

Parabéns!