Skip to Content

FOL

Charla con motivo do Día do Medio Ambiente

Mér, 05/06/2024 - 10:59 — palomagomezmoares

 

O alumnado que cursa a materia de Formación e Orientación Persoal e Profesional (FOPP) de 4º da ESO recibiu formación no Día do Medio Ambiente. Esta charla contribúe á concienciación do alumnado da problemática ecolóxica como parte da formación de persoas responables co medio ambiente, e da nosa responsabilidade nesta materia.

O noso agradecemento a Sogama por facer posible esta actividade e en especial a Cristina, a nosa formadora, que nos obsequiou a todas as persoas asistentes cunha bolsa reutilizable de tea

Participación no proxecto de centro RadioClic

Lun, 03/06/2024 - 11:05 — palomagomezmoares

A totalidade do alumnado deste departamento participou durante o curso 2023-2024 no proxecto de centro RadioClic:

- Alumnado do módulo de FOL de 1º CM Ordinario Video DJ e Son 

- Alumnado do módulo de EIE de 2º CM Ordinario Video DJ e Son 

- Alumnado do módulo de FOL de CM Modular Video DJ e Son 

- Alumnado da asignatura de FOPP de 4º ESO

 

 

 

Visita ao Xulgado do Social

Xov, 30/05/2024 - 13:31 — palomagomezmoares

 

Hoxe 30/05/2024 o alumnado de FOL de 1º curso do CM Video DJ e Son tivo a oportunidade de asistir a 4 xuizos que se celebraron na Sala 4 do Xulgado do Social de Santiago de Compostela. As persoas participantes valoraron como moi positiva a experiencia indicando que lles valeu para ver a utilidade de moitos conceptos estudados no módulo de FOL.

A xuíza titular da Sala 4, dona Ana María Souto González, acolleunos e guiounos durante toda a mañá, explicandonos aqueles conceptos máis teóricos e dandonos unha visión global do traballo que realiza. Dende este departamento o noso agradecemennto.

Tamén queremos agradecer especialmente a dona Mercedes Blanco que fixera esta visita posible, que nos facilitara o acceso á sala e á súa titular,  que comentara e explicara diferente terminoloxía, e nos mostrara en que consiste o traballo no ámbito do dereito laboral a este nivel.

 

Charla da asociación ASOTRAME

Mar, 28/05/2024 - 15:49 — palomagomezmoares

Hoxe 28/05/2024 o alumnado de 4º ESO da materia de FOPP puido informarse sobre a actividade da asociación ASOTRAME e as posibilidades de voluntariado que hai nesta asociación. Tamén lles deron información sobre cómo 3 persoas traballadoras chegaron a desenvolver a súa actividade alí. Dase a peculiaridade de que unha delas é unha antiga alumna do Instituto Xelmírez I. O noso agradecemento a esta asociación polo seu labor, e moi especialmente ás poñentes que viñeron hoxe ao centro.

 

Difusión da actividade en redes de ASOTRAME

Charlas de Orientación Persoal e Profesional

Lun, 13/05/2024 - 12:03 — palomagomezmoares

 

 

Durante o curso 2023-2024 o alumnado de 4ª da ESO matriculado na asignatura de FOPP recibiu unha serie de charlas de orientación persoal e profesional. 

Tendo en conta o interese do alumnado matriculado este curso, buscouse a persoas que voluntaria e desinteresadamente viñeron a contarlles as súas experiencias académicas e profesionais.

Estas sesións foron todo un éxito entre o alumnado, e esperamos poder seguir contando coa colaboración de persoas tan preparadas nas futuras edicións

Dende o departamente queremos expresar o noso agradecemento a todos eles:

Xacobe Barreiro

Inés Montero

Noa García Amado

David Amazo

 

Charlas Finanzas para Mortáis

Lun, 13/05/2024 - 10:14 — palomagomezmoares

Dende o Departamente de FOL impulsamos este curso varias charlas para o alumnado de Formación e Orientación Persoal e Profesional (FOPP).

 

Dentro do programa Eduemprende, participamos no Programa denominado Finanzas para Mortais. Bernard Burgos, director dunha sucursal do Banco Santander, veu dous días ao noso centro e deunos información moi importante para poder ser cidadáns funcionais á hora de relacionarnos cos bancos. Tamén se tratou da importancia da protección de datos, especialmente para evitar o fraude neste ámbito.

O noso agradecemento a todas as persoas que o fixeron posible

 

 

Concurso de Coñecementos Financeiros do programa Finanzas Para Todos

Mér, 08/05/2024 - 20:21 — palomagomezmoares

 

O mércores 8 de maio ás 10:30h hora peninsular española un equipo formado por 6 estudantes de 4º da ESO participou no concurso de coñecementos financeiros do Programa Finanzas para Todos, promovido polo Banco de España e a CNMV. 

A participación do centro nesta actividade e neste programa foi impulsada polo Departamento de FOL, e fíxose en colaboración con profesores doutros departamentos.

Aquí podedes velos en plena acción. Unha experiencia diferente nunha competición onde se presentan centros de todo o Estado.

 

Premio con motivo da Global Money Week

Lun, 15/04/2024 - 10:13 — palomagomezmoares

 

Con motivo da Global Money Week, o alumnado de 4º ESO grupo C matriculado na asignatura Proxecto Competencial participou nun concurso promovido polo programa Finanzas para todos do Banco de España e da CMNV. Foron seleccionados como unos dos 10 gañadores entre todos os centros participantes de toda España.

Arriba podemos ver o merchandising que se sorteou entre o alumnado participante.

Parabens aos afortunados!

 

 

Sesión práctica de Primeiros Auxilios

Lun, 15/04/2024 - 09:58 — palomagomezmoares

 

O pasado xoves 11/04 o alumnado do módulo de FOL do Ciclo Medio de Video DJ e Son, tanto o alumnado de ordinario coma o alumnado de modular, recibiron 2 sesións prácticas sobre Primeiros Auxilios impartidas por formadoras de Protección Civil de Santiago de Compostela.

O noso agradecemento a Protección Civil por colaborar na formación do noso alumnado nesta materia, algo que é tan importante para todos e todas.

Global Money Week

Mér, 27/03/2024 - 11:32 — palomagomezmoares

A iniciativa da xefa do departamento de Formación e Orientación Laboral (FOL), Paloma Gómez Moares, este curso o alumnado do IES Arcebispo Xelmírez I participa en varios programas nunha aposta por mellorar a cultura financeira do alumnado do centro. Algúns destes programas encádranse dentro do Plan Eduemprende da Xunta de Galicia (Segura-Mente e Finanzas para mortais), e outros a maiores fóra deste plan, coma Finanzas para todos e Pon tu dinero a salvo. Disto benefíciase a totalidad do alumnado, pero moi especialmente aquel no que este departamento ten na actualidade docencia directa: Ciclos Formativos e 4º ESO.

A Global Money Week é unha campaña anual mundial de concienciación sobre a importanza de que as persoas novas adquiran nocións financieiras. Este ano celebrouse do 18 ao 24 de marzo. A pasada semana realizáronse varias actividades no centro con este obxectivo, entre elas unha sesion dentro da iniciativa De Econo-mía a Econo-tuya de Afundación-ABANCA: un obradoiro do alumnado de Ciclos Formativos con don Ramón Mariño Pérez, director territorial de ABANCA, encontro que captou o interese da prensa.

 

 

Distribuir contido


by Dr. Radut