O 24 de outubro de 1992, durante a guerra de Bosnia, un bombardeo destruíu a Biblioteca Nacional e Universitaria de Bosnia e Herzegovina. Desde o 24 de outubro de 1997 celébrase en España o Día das Bibliotecas. No noso instituto, a biblioteca é un espazo accesíbel e aberto á participación da comunidade educativa, que ten ao seu dispor un lugar de traballo, de encontro, de intercambio de opinións e de coñecemento, así como de posta en marcha de novas ideas e proxectos. Para celebrarmos este día, as profesoras Sagrario Torrado e Inés Montero decoraron a biblioteca, que durante uns días vai estar particularmente bonita.
