RadioClic!, o podcast da biblioteca do instituto, acaba de gañar dous dos oito premios do VI Concurso de Podcasts - Radio na biblio que organiza a consellaría en colaboración coa Radio Galega. Concretamente, RadioClic! logrou os premios nas modalidades de alumnado dos cursos 3º e 4º da ESO e mais de alumnado do bacharelato, con dous programas sobre Luísa Villalta que podemos escoitar facendo clic nos arquivos anexos (onde tamén atopamos outro podcast presentado) ou nas seguintes ligazóns a AGalega: podcast do alumnado de 3º e 4º da ESO e podcast do alumnado do bacharelato.
Este éxito acadado polo instituto débese ao traballo de moitas alumnas e alumnos –sobre todo do ciclo Video-DJ e son (modular)– e tamén ao labor de coordinación do profesorado, nomeadamente das profesoras María José Nieto e Nuria Quintas.
(Os podcasts teñen unha licenza CC BY-NC-SA.)
