O alumnado de 1° ESO elaborou un traballo sobre o Entroido galego na clase de Lingua Galega e Literatura.

Procuraron información sobre os distintos personaxes do noso Entroido,dende os Peliqueiros de Laza, as Pantallas de Xinzo de Limia ou os Cigarróns de Verín ata outros menos coñecidos como os Vergalleiros de Sarreaus, o Entroido Ribeirao ou os Galos da Mezquita.

VER TRABALLOS

Actividade Club de Lectura

O alumnado de 3° ESO fixo este martes unha visita á Residencia de maiores "O Castro" de Castroverde,para ler e recitar diferentes textos aos intern@s.

A maioría dos textos eran contos ,lendas ou poemas da tradición oral galega como a lenda da lagoa de Cospeito; o poema do piollo e a pulga que querían casar ,que sacou un sorriso aos maiores;o conto "O tesouro de Pin en Navia de Suarna"; unha versión da lenda da Cova da Serpe  entre outros.

Foi un encontro enriquecedor e moi gratificante xa que os maiores desfrutaron cos presenza dos máis novos, a lectura dos textos,participaron facendo algún comentario e ata nos cantaron dúas cancións.E os rapaces e rapaces viron de preto a vida nun centro de maiores que lles serviu para achegarse a outras realidades.

PREME PARA VER OS VÍDEOS

O luns 30 de xaneiro, no horario de tarde, conmemoramos o Día da Paz escolar en secundaria, cunha tertulia sobre unha escolma de textos da Guerra Civil en Galicia. Resultou unha tertulia moi interesante e con gran participación, na que quedou especialmente subliñado que incluso en tempos de guerra, debemos tratar de manter os nosos principios e valores.

 O 30 de xaneiro celébrase o Día Escolar da Non Violencia e a Paz. Este día conmemórase a partir de 1964 e dende setembro de 2015 cobra nova forza, xa que precisamente, o obxectivo número 16 da Axenda 2030 para o desenvolvemento sostible é  “Paz, xustiza e institucións sólidas”. Por este motivo o luns 30 ás 15:25 realizaremos unha Tertulia no salón de actos do centro sobre unha escolma de documentos que reflicten diferentes situacións vividas durante a Guerra Civil española en Lugo e en Galicia. Poden acudir as familias á tertulia e participar se así o desexan. Con este motivo compartimos aquí o texto case íntegro. Tivemos que modificar dous parágrafos por tratarse de información obtida na exposición permanente de O Vello Cárcere de Lugo, indicándoseme que para compartila en redes necesitaba o permiso de Cultura do Concello de Lugo. Solicitei dito permiso pero este non chegou no momento no que se escriben estas liñas (venres 27 de xaneiro), polo que modifiquei aqueles fragmentos que non fun quen de atopar noutras fontes de información. As modificacións están feitas de tal manera que non cambia o texto que aparece en cada páxina, para que se poida seguir a tertulia sen problema. Outra opción é recoller as fotocipias orixinais no propio centro o día da tertulia ou mirar polas dos fillos e fillas.
A profesora de Xeografía e Historia: Nanda.

O alumnado de 1º de ESO fixo un paseo literario pola vila de Castroverde.