O alumnado de 3° ESO tivo un encontro do Club de Lectura co alumnado do CPI López Suárez de Friol .Xuntámonos  primeiro en Friol. Na biblioteca do centro intercambiamos comentarios sobre a obra que leramos en común : "Instrucións para tomar café' de Núñez Singala. Despois fixemos unha visuta guiada ao Castelo de San Paio de Narla.

O día que nos xuntamos en Castroverde ,fixemos unha visita á Igrexa de Vilabade e á Torre Homenaxe do Castelo de Castroverde e,na biblioteca do centro, o alumnado de ambos os dous centros escenificaron algúns dos relatos da obra lida . Entre os relatos elixidos estaban ,entre outros, "Cocido familiar", "A excursión " ou "Exceso de celo".Ao final da mañá xantamos xuntos na Veiga do Olmo. 

Foi unha actividade que gustou moito. 

Para o curso que vén, organizaremos outro enconto.

O alumnado de 1° ESO elaborou cartaces con información sobre a súa vida ,obra,premios recibidos...Os traballos están expostos nun dos taboleiros do corredor de secundaria.

O alumnado de segundo ideou unha ruleta de palabras relacionada cos autores e autoras aos que se lles adicou o Día das Letras Galegas. Palabras sobre os seus nomes,apelidos,lugar de nacemento, obras literarias...

O alumnado de 3° e 4° de ESO participou nunha tertulia literaria celebrada o luns,día 15, no horario de tarde no Salón de Actos. 

A tertulia titulouse: " A cultura popular galega na literatura. Tipos populares galegos" . Os textos seleccionados eran lendas sobre os mouros, mouras,covas e tesouros; contos populares sobre o demo,diaño,trasno ou trasgo,os lobos e os lobishomes e tamén poemas e outros textos sobre a gaita e o gaiteiro.

Foi unha actividade moi enriquecedora porque @s participantes contaron contos e historias escoitadas aos seus maiores con estes personaxes da nosa literatura popular.

Actividade do Club de Lectura e da Biblioteca para celebrar o Día da Poesía.

O alumnado de1° Eso pasou polas aulas dos compañeir@s dos outros cursos da ESO, recitando poemas elixidos por eles,a maior parte ,e outros sobre o que é a poesía indicados pola profesora de Lingua Galega.

Algúns dos poetas recitados foron Marilar  Aleixandre, Fran Alonso, Rosalía de Castro, Manuel María, Marta Dacosta, Carlos Negro ou Celso Emilio Ferreiro.

O alumnado do Club de Lectura de 4° ESO do Ies Virxe dos Ollos Grandes de Lugo e o do CPIP de Castroverde celebraron un encontro no noso centro , para intercambiar opinións e sensacións sobre a obra  "O  conserxe"  de Xosé Luís Vázquez Somoza.

Tivemos a sorte de contar coa presenza do autor da novela; así puidemos comentar, "criticar"  o libro e facerlle moitas preguntas ao escritor sobre diferentes aspectos da escrita ( por que unha das protagonistas é de Castroverde,cando escribe,por que ten ese final, se vai continuar a historia...,por exemplo).

Tamén houbo  tempo para ler fragmentos da obra, para compartir lecer e percorrer un curto traxecto do Camiño Primitivo, o que vai de Vilar ata a igrexa de Soutomerille.

Na actividade participaron as profesoras de Lingua Galega de ambos os centros, a profesora de Física e Química e outros docentes do noso centro.

Foi xornada didáctica, divertida...

O 8 de marzo, o alumnado de secundaria realizou unha tertulia dialóxica sobre unha escolma de textos da agrupación anarquista "Mulleres Libres", que desenvolveu a súa actividade durante os anos da Guerra Civil.