O martes, 24 de marzo de 2015, na biblioteca escolar do CPI de Castroverde, terá lugar unha Tertulia Dialóxica Artística sobre a obra "El caballero de la mano en el pecho" que é un dos máis famosos retratos creados por Doménikos Theotokópoulos, El Greco.

Na biblioteca escolar hai unha reprodución da pintura orixinal.

A Tertulia estará coordinada polo profesor Daniel Díaz Trigo. Poden asistir todas as persoas que estean interesadas. Dará comezo ás 16.25 horas.

Xurxo Mariño é doutor en Ciencias Biolóxicas pola USC, profesor da Universidade da Coruña, neurocientífico  e divulgador. Xurxo Mariño é  membro do grupo de Neurociencia e Control Motor da Universidade de A Coruña (Neurocom). Traballou no Massachusetts Institute of Technology (Estados Unidos), máis coñecido como o MIT, un dos máis importantes laboratorios de ciencia do mundo.
Estes actos están abertos ás familias e a todas as persoas interesadas que queiran asistir. 

O 19 de febreiro de 2015, de 16.25 a 20.25, no CPI de Castoverde, terá lugar unha actividade de formación impartida polo profesor Marcos Castro Sandúa.

Nesta sesión trataranse e debaterase sobre diversos temas que contribúen á socialización preventiva da violencia de xénero; é dicir, a fomentar unhas relacións libres de violencia. Analizaranse as raíces da violencia, o seu estreito vínculo coa atracción e como isto é o resultado dun modelo tradicional e maioritario das relacións afectivo-sexuais nas que todos e todas nos socializamos. Verase tamén como desde a escola se pode contribuír a construír un modelo alternativo e de éxito que faga posible unhas relacións afectivo-sexuais plenamente satisfactorias.

O profesor Marcos Castro é profesor de Educación Secundaria e tamén profesor na Universidade de Barcelona, no Departamento de Teoría Sociolóxica. Desenvolve a súa investigación na liña da socialización preventiva da violencia de xénero desde o deporte e a Educación Física.

Agradecemos ó profesor Marcos Castro Sandúa a colaboración que ten prestado ó longo dos últimos cursos a través das actividades realizadas co alumnado de educación secundaria do CPI de Castroverde, como experto nestes temas.

Animamos a todas as persoas interesadas a asistir a esta sesión de  formación que se impartirá a través de videoconferencia desde Barcelona e que terá lugar na aula de 6º de Educación Primaria do CPI de Castroverde.

O  25 de febreiro de 2015, o gran escritor e tradutor galego, Darío Xohán Cabana, estará no CPI de Castroverde realizando dúas charlas tanto co alumnado de primaria como co de secundaria. Pola tarde participará nunha Tertulia Literaria Dialóxica aberta a todas as persoas que desexen asistir.

A partir das 16.25 horas, na biblioteca escolar do CPI de Castroverde, terá lugar a Tertulia Literaria Dialóxica sobre unha selección de poemas da súa última tradución do Cancioneiro de Petrarca (2012). Os poemas que se comentarán son os seguintes (indícase capítulo e páxina):

I-páx.1, XV-páx.16, XVII- páx.18, XVIII-páx.19, XX-páx.21, XXXVI-páx.48, LXI-páx.83, LXV-páx.87, LXIX-páx. 92, LXXXII-páx.115, LXXXVI-páx.119 e CCCXXXVIII-páx.413

Darío Xohán Cabana é un dos autores galegos de traxectoria máis consolidada, con numerosos títulos publicados, tanto de poesía como de novela e literatura infantil e xuvenil. A súa novela Galván en Saor é un dos libros máis vendidos en toda a historia de la literatura galega. Desde o ano 2006 é membro numerario da Real Academia Galega.
Achégase  a continuación unha entrevista en La Voz de Galicia onde o autor comenta sobre esta tradución:

"Os namorados saben da actualidade de Petrarca"