Documentos de interese
INFORMACIÓN ENTROIDO
Estimadas familias:
Achégase o Entroido e o centro non ten programada ningunha actividade conxunta para esta ocasión, por razón obvias.
Tampouco queremos frear a iniciativa particular nin apagar o espírito de celebración que acompañan estas datas, polo que manteremos os mandados do Meco e os publicaremos na web para quen queira seguilos. Ademais, o venres, 12 de febreiro, o alumnado que así o desexe poderá vir disfrazado ao centro de maneira libre (sen careta). Este ano máis que nunca se merece un ánimo polo mérito e sacrificio demostrado.
Recibide do Equipo Docente e Directivo do centro un saúdo e o agradecemento á vosa confianza e colaboración.
SUSPENSIÓN TEMPORAL DAS ACTIVIDADES EXTRAESCOLARES
Seguindo as instrucións da Autoridade Sanitaria, é necesario suspender, temporalmente, as actividades extraescolares, a partir de hoxe e ata novo aviso.
Polo tanto, mañá, xoves, 22 de xaneiro, xa non se realizarán as citadas actividades.
NOVO CONTRATO DE TRANSPORTE
A Consellería de Infraestrutura e Mobilidade remitiu un correo electrónico ao colexio no que informa de que o novo contrato de transporte que atende ao noso centro supón que á volta das vacacións de Nadal, o 8 de xaneiro, o transporte escolar pasa a ser atendido a través do servizo de transporte integrado nas rutas 2 (pato), 7 (bolboreta) e 8 (caracol).
A empresa adxudicataria que se fai cargo da súa prestación é UTE XG-871
BOLETÍN INFORMATIVO 1ª AVALIACIÓN
Dada a situación actual, o boletín informativo para as familias das cualificacións da 1ª avaliación poderá consultarse na aplicación ABALARMÓBIL a partir do luns, 21 de decembro de 2020.
BOLETÍN INFORMATIVO 1ª AVALIACIÓN
Dada a situación actual, o boletín informativo para as familias das cualificacións da 1ª avaliación poderá consultarse na aplicación ABALARMÓBIL a partir do luns, 21 de decembro de 2020.
REPARTO DE MÁSCARAS DO ALUMNADO
O mércores, día 09-12-2020 comezarán a repartirse as máscaras entre o alumnado de E. Primaria que ten dereito segundo a Orde do 6 de novembro de 2020.
É necesario pedir cita en Secretaría e terá que recollelas a persoa que solicitou a axuda (de material ou de máscaras) ou autorizar a outra persoa.
DISTRIBUCIÓN DE MÁSCARAS ENTRE O ALUMNADO
A listaxe provisional de alumnado con dereito ás máscaras segundo a Orde do 6 de novembro de 2020 publicarase o luns, día 30 de novembro, na Secretaría do colexio.
En caso de exclusión na listaxe provisional, as persoas afectadas poderán presentar reclamación no centro educativo ata o mércores, 2 de decembro de 2020.
Estas reclamacións entenderanse resoltas coa publicación da listaxe definitiva o xoves, 3 de decembro de 2020.
Para a recollida das máscaras haberá que solicitar, telefonicamente, cita previa na Secretaría do colexio.
DISTRIBUCIÓN DE MÁSCARAS ENTRE O ALUMNADO
A Orde do 6 de novembro de 2020, publicada no DOG do 13-11-2020, regula os criterios e o procedemento de distribución de máscaras entre o alumnado matriculado en primaria, educación secundaria obrigatoria e educación especial en centros docentes públicos.
- O alumnado beneficiario da axuda de material escolar no curso 2020-2021, NON TEN QUE PRESENTAR SOLCITUDE.
- O alumnado que NON foi beneficiario da axuda de material escolar no curso 2020-2021 e que cumpra algunha das seguintes condicións:
- Que pertenza a unha familia cunha renda per cápita igual ou inferior a 6.000 €.
- Matriculado en educación especial.
- Suxeito a tutela ou garda da Xunta de Galicia.
- Cun grao de discapacidade igual ou superior ao 65%.
Pode presentar solicitude do 16 ao 27 de novembro na Secretaría do colexio solicitando cita.
Pode descargar a solicitude premendo AQUÍ.
Pode consultar a Orde completa premendo AQUÍ.
ACTUALIZACIÓN DO PLAN DE CONTINXENCIA
Unha vez aprobada pola Inspección Educativa, publícase a Actualización do Plan de Continxencia que contén as últimas modificacións e o Plan de Ensino Virtual co "horario espello".
Para velo, prema AQUÍ.
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »
![RSS - Documentos de interese Distribuir contido](/centros/ceipvalesvillamarin/misc/feed.png)