Boas rapazas e rapaces! Nesta semana imos xogar cos ritmose coas cores. Preguntarédesvos o que vos estou pedindo pero é moi divertido. Xa veredes.
Primeiramente collede catro folios, pos-it, cartoliñas de cores (se non tedes, podedes pintar vos 4 cadrados).
As cores van ser: vermella, amarela, verde e azul. Poñédelas nesa orde enriba da mesa e de esquerda a dereita.
Antes de comezar co exercicio, imos visualizar como se fai, no seguinte vídeo
(vídeo explicativo do exercicio)
Despois de ver o vídeo anterior, ides practicar vós na casa e repetir o ritmo que vos fan no seguinte vídeo:
(vídeo exercicio musical)
Acordádevos de prestar atención e de ver ben o que fai a vosa compañeira virtual primeiramente...despois dela, será o vos turno. Ánimo!
Repasamos os ritmos de negra, corcheas e silencio de negra no seguinte xogo interactivo:
Recordade que hai dous pulsos no compás e se non soa nada, seguramente, teremos que por o silencio...Veña, darlle click ao altavoz e repetide o xogo varias veces e a ver cantos ritmos acertades.
Seguimos coas notas musicais e para elo, deixovos unha ficha moi sinxela para que as traballedes e saibades ben en que parte do pentagrama se colocan. (Descarga o ARCHIVO adxunto)
Finalmente, acabamos cun baile no que movemos todo o corpo e vos vai gustar moito. Xa veredes!!!