Curso 2020-21
Romaría do Rapaz
Esta mañá o alumnado de 5º e 6º de primaria recibían unha pequena charla informativa de Xesta natureza para invitar a estes cursos a participar na Romaría do rapaz.
A Romaría do Rapaz voltará a Siador o vindeiro domingo día 27, nun formato distinto, con só dúas actividades. Haberá unha carreira de orientación pola mañá e un espectáculo de circo aéreo en horario de tarde.
En canto á carreira, está será a segunda vez que se celebre unha proba deste tipo en Silleda. A proba discorrerá polo entorno de Siador, onde se atopan lugares emblemáticos como a sobreira –unha das ábores senlleiras de Galicia-, ou o pazo de Sestelo. As inscricións para a proba , de balde para os participantes, poden facerse de xeito individual ou en grupo. O prazo está xa aberto e rematará o vindeiro xoves día 24. As persoas ou familias interesadas poden inscribirse a través da web de Xesta Natureza ou ben no propio Concello, chamando ao teléfono 986 580000 (no departamento de Cultura).
Xa pola tarde, ás 19 horas, chegará ao anfiteatro de Siador o espectáculo “Máis alto ainda”, a cargo de Desastronauts, a máis espectacular compañía de aéreos de Galicia.
Os Peregríns de Bandeira
Ca chegada do verán o Proxecto “Facendo o Camiño” chega o seu fín. Un proxecto de Centro que comenzou no mes de setembro e que permitiu o noso alumnado coñecer e descubrir todo o que rodea o Camiño de Santiago (As súas rutas, costumes, monumentos…).
Polo noso concello trascorren 19 Km da Vía da Prata e como colofón ao noso proxecto quixemos percorrer, disfrutar e coidar destes quilómetros da nosa contorna con diferentes etapas onde participaron tódolos cursos.
ED. Infantil Ceip Ramón de Valenzuela - Capela de San Blas
1º e 2º Bandeira - Dornelas
3º, 4º e 5º Foxo - Bandeira
6º Ponte taboada - Castro de Toiriz
5 de Xuño día mundial do Medio Ambiente
No Día Mundial do Medio Ambiente, que se celebra cada ano o 5 de xuño, preténdese sensibilizar á sociedade en todos os temas relacionados co medio ambiente, co coidado da biodiversidade e a súa protección. Tamén ten como meta motivar á poboación (tanto a adultos como a nenos), viva onde viva, sexa no campo ou na cidade, na montaña, nos vales ou na costa, a que conecte coa natureza para coidala e protexela.
Dende o Ceip Ramón de Valenzuela destacamos o papel das familias así como os educadores que xogan un importante papel na educación ambiental, debemos ensinar aos nenos/as da importancia de coidar o medio ambiente, pero tamén o respecto polo resto de seres vivos, a reciclaxe e a reutilización de materiais, a redución da contaminación… Como nos mostran o alumnado de 1º neste pequeno video.
HORARIO MES DE XUÑO
Lembramos ás familias que o vindeiro MARTES día 1 de xuño cambiará o horario de entrada e saída do colexio.
HORARIO MES DE XUÑO
XORNADA LÉCTIVA DE 9:40h A 14:30h
Apertura de portas para acceso ao colexio 9:30h
COMEDOR DE 14:30h A 15:40h
SAÍDA do alumnado TRANSPORTADO DO CENTRO
15:40h: Empresa Lázara (Piñeiro-Dornerlas-Cira)
Autocares Lázara (Lamela-Cervaña-Moalde)
15:45h: Empresa Cuiña (Chapa-Rellas-Escuadro)
Empresa Cuiña (Chapa-Escuadro)
15:50h: Mombús (Bandeira-Mandúas-Pazos-Abades)
SAÍDA do alumnado NON TRANSPORTADO
Este horario poderá sufrir variación de ata 5 minutos ou máis debido a motivos de organización.
Prégase puntualidade ás familias do alumnado non transportado.
REMATANDO UN TRAMO DO CAMIÑO. 1º E 2º DE PRIMARIA, DOS ANOS 2019 A 2021.
IMOS REMATANDO 2º E, Á VEZ, DOUS CURSOS "DIFERENTES" QUE NOS SERVIRON PARA INICIARNOS NA PRIMARIA.
QUEDA PARA TODOS UNHA PEQUENA MOSTRA DESTES ANOS, INCLUÍNDO ESPECIALMENTE AS ACTIVIDADES LEVADAS A CABO EN RELACIÓN CO PROXECTO DO "CAMIÑO". PARA VELO PREMEDE NA IMAXE.
UN GRAN SAÚDO PARA TODOS E BO CAMIÑO!
Facendo o camiño
O alumnado de Ed. Infantil durante estas últimas semanas estiveron traballando sobre o Camiño de Santiago.
Deixámosvos unha pequena mostra.
CONVOCATORIA DO FONDO SOLIDARIO DE LIBROS DE TEXTO E AXUDA PARA LIBROS DE TEXTO E MATERIAL ESCOLAR PARA O CURSO 2021-2022
Estimadas familias, publicouse a convocatoria para o fondo de libros e axudas para libros de texto e material escolar para o vindeiro curso. Toda a información na Orde do 6 de maio de 2021
Destinatarios:
- Fondo libros: alumnado de 3º, 4º , 5º e 6º curso de Ed. Primaria.
- Axudas de libros de texto: 1º e 2º curso de Ed. Primaria.
- Axudas para material escolar: alumnado de 1º a 6º curso de Ed. Primaria.
Prazo de solicitude: do 24 de maio ao 18 de xuño de 2021.
Documentación a presentar se procede:
- Anexo I e II debidamente cumprimentado.
- Copia do libro de familia ou documento equivalente, onde figuren o alumno/a e os demais membros computables da unidade familiar. En caso de separación ou divorcio, deberán achegar, ademais, a sentenza xudicial e/ou convenio regulador onde conste a atribución da custodia do/da menor. Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:
- Certificado ou volante de convivencia.
- Informe dos servizos sociais ou do órgano equivalente do concello onde resida a familia.
- Certificado de discapacidade do/da alumno/a ou calquera membro da familia non expedido pola Administración autonómica.
- Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.
- Resolución xudicial de incapacitación con patria potestade prorrogada ou rehabilitada.
- Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE.
A renda a ter en conta é a do ano 2019.
Formularios: poden presentalos no formulario anexo I a través da aplicación electrónica ou presencialmente no centro de 09:30 h a 13:00h no horario de secretaría.
Pode descargar a solicitude aquí: Anexos I e II
