Non queremos marchar de vacacións sen antes contarvos que pasou o día que viñeron "os da tele" ao cole...
Para preparar o conto de Infantil tivemos moitos ensaios e cansamos un pouco ...porque temos 4 anos e é normal,pero grazas ás profes fúmolo facendo mellor !
E cando chegou o día,coas cámaras diante e a reporteira co micro na mao...pasóusenos o susto e empezamos a contar a historia mellor ca nunca !! Os de 6º curso non o podían crer !
Magoa que se nos oíu moi pouco,pero ás nosas familias encantoulles igualmente! Foi unha experiencia xenial !
En 2º curso a tele veu mentres practicabamos mates e lingua de forma lúdica utilizando xogos de palabras,de buscar as diferenzas...Os días previos xuntámonos un par de veces 2ºA e 2ºB para ver se nos afaciamos todos xuntos nunha aula... e resultou tan ben que queremos repetir polo menos unha vez por mes !
Estaban con nós,aparte das nosas titoras,outras dúas profes e a voluntaria da Universidade que axudou a elaborar o material.Grazas a eso estivemos tranquil@s malia os cables e as cámaras que nos rodeaban !
En resumo:foi unha xornada con algo de nervios,un pouco de risas e moito de responsabilidade,porque nos dabamos de conta que estabamos representando ao noso cole e eso é algo moi importante.
Queríamos compartir esta vivencia con vós
e volver dar as grazas ao programa A Revista.
Ata a volta das vacacións!