Complementarias

Hoxe tivemos a oportunidade en 1º de PRIMARIA de participar na actividade “almorzos saudables” que organiza o Concello de Lugo @concellolugo deste xeito aprendimos cómo clasificar os alimentos,  como debería ser o noso almorzo para crecer fortes e sans e ademáis puidemos disfrutar dun especáculo de maxia. Dende o @ceipparadai queremos agradecer o labor dos distintos profesionais desta actividade.

Presentámosvos un vídeo resumo dunha das actividades deste curso antes do Nadal, a decoración das portas das aulas en Infantil e Primaria.

Traballamos no ámbito da saúde e da alimentación a través das seguintes modalidades:

• Consumo de froita.

• Consumo de lácteos.

• De conservas do mar (Ponlle as pilas ao teu bocata).
• Acercamento ao consumo de peixe (o sabor da aventura está no mar).

Levamos a cabo accións educativas diversas destinadas a a coñecer, fomentar e manter, na escola e nas casas, o hábito do consumo destes alimentos que contribúen a unha alimentación e dieta equilibrada.

Unha mostra o noso traballo pódese ver nestas outras imaxes:

¡¡ Xa coñecemos mellor algunhas froitas e verduras!!

1º PRIMARIA: sandia e repolo / melón e remolacha

2º PRIMARIA: amorodo e porro / figo e pepino

3º PRIMARIA : mandarina e cenoria

                      cereixa e rábano / ameixa e nabo

4º PRIMARIA: mazá e tomate / pera e pemento

                    aguacate e cebola / laranxa e allo

                    kiwi e espinaca

5º PRIMARIA: platano e leituga / uvas e calabaza

                     albaricoque e coliflor

                     lemón e berenxena

6º PRIMARIA: melocotón e esparrago / néspero e acelga

Durante as semanas previas ao 25 de Novembro, no que se celebra Día Internacional da Eliminación da Violencia Contra a Muller, o alumnado de INFANTIL e PRIMARIA, traballou sobre os ADXECTIVOS que son habitualmente asociados á muller.

No seguinte vídeo pódese ver un resumo de todo o traballado:

Neste curso 2019/2020  todo o Centro traballaremos nun proxecto común que denominamos SALVANDO A MARTEA ( salvando o mar, a terra e o aire) no que investigaremos as maneiras de protexer o medioambiente, o impacto da sociedade de consumo no noso planeta e as distintas formas de reciclaxe. 

Cada curso encargarase dun tema diferente:

En EDUCACIÓN INFANTIL, aproveitando a súa implicación no proxecto ‘STOP PLÁSTICOS’ de Voz Natura, traballaremos os plásticos e as distintas formas de reutilizalos.

No PRIMEIRO e SEGUNDO CURSO de PRIMARIA investigaremos sobre o papel.

No TERCEIRO e CUARTO de PRIMARIA estudiaremos o impacto da gandería e a agricultura intensivas e os beneficios da gandería e a agricultura sostibles.

No QUINTO e SEXTO CURSO de PRIMARIA trataremos o impacto da industria e as diferentes enerxías renovables na nosa vida cotiá

Con este proxecto aprenderemos a coidar ao noso planeta e comezaremos a ser conscientes do impacto que temos nel no noso día a día.

O pasado 3 de outubro, os nenos e nenas de Infantil, 1º e 2º de Primaria desfrutaron da iniciación aos rudimentos do xadrez.

"O xadrez, máis aló de ser concibido como un xogo ou un deporte, constitúe un instrumento pedagóxico de primeira magnitude para o desenvolvemento intelectual das persoas, como así teñen constatado diferentes investigacións científicas. Tal chega a ser a súa incidencia na formación educativa dos escolares, que a propia UNESCO recomendou oficialmente, no ano 1995, a todos os países membros a súa incorporación ao programa curricular do ensino primario e secundario.

E é que, con algo tan simple como un taboleiro, 32 pezas e dúas mentes pensantes, lógrase desenvolver e incrementar un bo número de habilidades cognitivas nos pequenos, que poderán utilizalas en distintas áreas de coñecemento. Porque o xadrez aumenta a capacidade de concentración e prevén o fracaso escolar, exercita a memoria, tanto a curto como a longo prazo, desenvolve o razonamento lóxico matemático, mellora a capacidade de resolución de problemas e toma de decisións, incrementa a autoestima e afán de superación (cada partida é un novo reto para o xogador), e axuda a aprender a reflexionar, planificar e previr, debendo anticiparse ás respostas do contrario".

Texto de ESCOLA LUGUESA DE XADREZ

E así foi o primeiro contacto do alumnado de 6ºINFANTIL:

O pasado venres 27 de setembro celebramos no centro o DÍA EUROPEO DO DEPORTE ESCOLAR, e os nenos e nenas de Educación Infantil, celebrárono co que lles gusta, bailando!

 Ata se aprenderon unha coreografía: