CEIP PLURILINGÜE DE PALAS DE REI |

Formación

Xov, 01/26/2023 - 23:37 — ceippalasderei

Primeiro paso para comezar a empregar a impresora 3D: formación do profesorado. Arrincamos!

Na prensa

Sáb, 01/21/2023 - 13:32 — ceippalasderei

No día de hoxe, o noso cole é noticia!

Contacontos en familia

Ven, 01/20/2023 - 11:36 — ceippalasderei

A Consellería de Cultura, Educación e Universidade vén de seleccionarnos para formar parte do programa Lectura e Familias, que ten como principais obxectivos estimular o deseño e desenvolvemento de iniciativas que favorezan a participación das familias en actividades da biblioteca escolar e fomentar o gusto pola lectura no alumnado.

Iredes coñecendo as diferentes propostas que temos preparadas. Comezamos esta aventura cunha sesión de contacontos a cargo de Ana Meilán, o próximo xoves, día 26 de xaneiro, na Casa da Cultura de 16:15h a 17:15h.

Animámosvos a que asistades en familia, coas vosas fillas e fillos.

Moitas gracias por adiantado, pola vosa colaboración e implicación neste novo proxecto.

Cea entroido

Mar, 01/17/2023 - 10:03 — ceippalasderei

Reserva praza

Lun, 01/16/2023 - 19:27 — ceippalasderei

Ábrese o proceso de reserva de praza para o alumnado de 6º de primaria matriculado no presente curso no Ceip Plurilingüe Palas de Rei e que, no vindeiro curso, pretende continuar os estudos no centro de adscrición “IES do Camiño” (Palas de Rei).

-Prazo de presentación das solicitudes: do 16 xaneiro ao 6 de febreiro de 2023

-Lugar de entrega: Ceip Plurilingüe Palas de Rei.

Tamén se poden presentar as solicitudes a través da aplicación “admisionalumnado” (https://www.edu.xunta.es/admisionalumnado)

Lexislación aplicable:

Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).
Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.